Варзишгарони тоҷик дар Чемпионати Осиё соҳиби панҷ медал гардиданд
ДУШАНБЕ, 12.12.2024. /АМИТ «Ховар»/. Аз 28 ноябр то 12 декабри соли 2024 Чемпионати Осиё оид ба варзиши бокс дар шаҳри Чиангмайи Тайиланд байни беҳтарин муштзанони қораи Осиё дар сатҳи баланд баргузор шуд, ки дар он варзишгарони тоҷик маҳорати арзанда нишон дода, соҳиби панҷ медал гардиданд. Дар ин хусус шореҳи варзиши АМИТ «Ховар» хабар медиҳад.
Дар рӯзи охирини Чемпионати Осиё дар шаҳри Чиангмайи Таиланд аз Ҷумҳурии Тоҷикистон 2 муштзан- Акмал Убайдов ва Парвиз Каримов рақобат карданд. Акмал Убайдов сазовори медали тилло ва Парвиз Каримов соҳиби медали нуқра шуд. Парвиз Каримов дар вазни 92 кг дар финал аз муштзани қазоқ Сагюндюк Тогамбай пеш аз муҳлат шикаст хӯрд. Дар роҳ ба финал Парвиз Каримов дар даври аввал озод буда, дар даври нимниҳоӣ Богдан Толмачов аз Украинаро мағлуб кард.
Ҳамин тавр, чемпионати Осиё барои муштзанони тоҷик бобарор анҷом ёфт. Дар ин мусобиқаи сатҳи баланд варзишгарони Ҷумҳурии Тоҷикистон 1 медали тилло, 1 медали нуқра ва 3 медали биринҷӣ ба даст оварданд, ки ин дастовард дар таърихи бокси Тоҷикистон маротибаи аввал аст.
Медали тиллоро Акмал Убайдов дар вазни 60 кг, медали нуқраро Парвиз Каримов дар вазни 92 кг ва медалҳои биринҷиро Аҳмадҷон Саидов дар вазни 86, Шаҳобҷон Шукуров дар вазни 71 кг ва Шукрат Саломатов дар вазни 67 кг соҳиб шуданд.
Муштзанони дигари тоҷик Меҳрон Шафиев дар вазни 48 кг, Хусравхон Раҳимов дар вазни 57 кг, Абдумалик Болтаев дар вазни 80 кг ва Миҷгона Самадова дар вазни 57 кг мусобиқаро бе медал ҷамъбаст намуданд.
Ёдовар мешавем, ки Чемпионати Осиё оид ба бокс дар шаҳри Чиангмайи Тайиланд байни беҳтарин муштзанони қораи Осиё доир гардид. Дар ин мусобиқаи сатҳи баланд беш аз 200 муштзан (132 мард, 82 зан) аз 21 давлати Осиё иштирок намуданд.
АКС аз ТВ «Варзиш»
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
