35-СОЛАГИИ ИСТИҚЛОЛИ ДАВЛАТӢ. Дар Ҷамоати деҳоти Ёрии шаҳри Панҷакент ободкорӣ вусъат меёбад
ДУШАНБЕ, 20.01.2025 /АМИТ «Ховар»/. Дар деҳаи Ёрии Ҷамоати деҳоти Ёрии шаҳри Панҷакент бахшида ба ҷашни 35-солагии Истиқлоли давлатии Ҷумҳурии Тоҷикистон бо дастгирии Мақомоти иҷроияи ҳокимияти давлатии шаҳри Панҷакент ва саҳми соҳибкорон сохтмони якчанд иншоот идома дорад.
Тибқи иттилои Мақомоти иҷроияи ҳокимияти давлатии шаҳри Панҷакент, ҳоло сохтмони бинои иловагии Муассисаи таҳсилоти миёнаи умумии рақами 57, ки дорои 16 синфхона ва ҳуҷраҳои маъмурӣ, майдони варзишии ҳозиразамон барои хонандагони ин таълимгоҳ ва ҷавонони деҳа мебошад, бо маблағгузории соҳибкор Изатулло Руфъатов идома дорад.
Аз ҷониби соҳибкор Сангинбой Файзиев коргоҳи дуредгарӣ бунёд мешавад. Дар ин коргоҳ маҳсулоти дуредгарӣ, аз қабили дару тиреза ва ғайра истеҳсол шуда, даҳ нафар бо ҷойи кор таъмин мешаванд. Ҳамчунин ба ҷавонон ҳунари чӯбкорию дуредгарӣ омӯзонида мешавад.
Инчунин аз ҷониби соҳибкор Ансор Мирзоев фермаи чорвопарварӣ, ки дар он парвариш моли майда ва калон пешбинӣ шудааст, сохта мешавад.
Ҳамчунин дар Ҷамоати деҳоти Ёрӣ бо ҳамкории давлат ва бахши хусусӣ хонаи фарҳанги деҳаи Ёрӣ таҷдиду бозсозӣ ва дар ҳудуди саҳни он майдони Парчами давлатӣ бунёд мешавад.
АКС: Мақомоти иҷроияи ҳокимияти давлатии шаҳри Панҷакент
Сарвари давлат Эмомалӣ Раҳмон дар шаҳри Хуҷанд якчанд корхонаю коргоҳҳои ҶДММ Сирдарёро ифтитоҳ намуданд
Пешвои миллат Эмомалӣ Раҳмон бинои Факултети №4-и Академияи Вазорати корҳои дохилиро дар шаҳри Хуҷанд ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд корхонаи коркарди меваю сабзавоти ҶДММ «ДороАртФуд»-ро ба истифода доданд
Пешвои миллат Эмомалӣ Раҳмон дар деҳаи Басмандаи ноҳияи Деваштич муассисаи таҳсилоти томактабии №6-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич 5 кӯдакистон, муассисаи таълимӣ, толори варзишӣ ва бинои маъмурии Кумитаи иҷроияи ноҳиявии ҲХДТ-ро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Деваштич Коргоҳи дӯзандагӣ ва қолинбофии “Ёсуман”-ро ифтитоҳ намуданд
Пешвои миллат Эмомалӣ Раҳмон дар ноҳияи Деваштич Коргоҳи пойафзол ва маводи шустушӯии «Раҳматулло»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич Маркази саломатии деҳаи Қалъаи Дӯстиро ифтитоҳ намуданд
