Аз ҷониби Ҳизби Халқии Демократии Тоҷикистон номзад ба вакилии Маҷлиси намояндагон аз ҳавзаи интихоботии якмандатии Мастчоҳ №18 пешбарӣ карда шуд

ДУШАНБЕ, 07.01.2024. /АМИТ «Ховар»/. Дар ҷаласаи якҷояи кумитаҳои иҷроияи Ҳизби Халқии Демократии Тоҷикистон дар ноҳияи Мастчоҳ, шаҳрҳои Гулистон ва Истиқлол номзадии Ғайрат Азиззода барои иштирок дар интихоботи Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатаи Мастчоҳ №18 пешбарӣ карда шуд. Дар ин хусус ба АМИТ «Ховар» аз  Кумитаи иҷроияи Ҳизби Халқии Демократии Тоҷикистон дар ноҳияи Мастчоҳ хабар доданд.

Дар ҷаласа муҳимияти иштироки шаҳрвандон дар интихоботи наздик ва нақши вакилон дар ҳалли мушкилоти мардум таъкид карда шуд.

Ҳамчунин дар ин ҷаласа барномаи пешазинтихоботии Ҳизби Халқии Демократии Тоҷикистон муаррифӣ карда шуд. Барномаи пешниҳодшуда рушди устувори иқтисодӣ, ҳифзи иҷтимоӣ, баланд бардоштани сатҳи зиндагии мардум ва татбиқи ҳадафҳои стратегии давлатро дар бар мегирад.

АКС: Кумитаи иҷроияи Ҳизби Халқии Демократии Тоҷикистон дар ноҳияи Мастчоҳ