Аз Ҳизби Халқии Демократии Тоҷикистон номзад ба вакилии Маҷлиси намояндагон аз ҳавзаи интихоботии якмандатии Данғара №36 пешбарӣ карда шуд
ДУШАНБЕ, 07.01.2024. /АМИТ «Ховар»/. Маҳмадшоҳ Гулзода аз ҷониби Ҳизби Халқии Демократии Тоҷикистон номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатии Данғара №36 пешбарӣ карда шуд. Қарори дахлдор дар маҷлиси якҷояи кумитаҳои иҷроияи Ҳизби Халқии Демократии Тоҷикистон дар ноҳияи Данғара ва шаҳри Норак, ки имрӯз баргузор шуд, қабул гардид.
Тавре ба АМИТ «Ховар» дар Кумитаи иҷроияи Ҳизби Халқии Демократии Тоҷикистон дар ноҳияи Данғара хабар доданд, дар маҷлиси якҷоя масоили вобаста ба тасдиқи Нақшаи чорабиниҳо оид ба таблиғу ташвиқи Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» аз 28 декабри соли 2024 ва пешбарии номзад ба вакилии Маҷлиси намояндагони Маҷлиси Олии Ҷумҳурии Тоҷикистон дар ҳавзаи интихоботии якмандатии Данғара №36 баррасӣ гардид.
Тибқи рӯзномаи маҷлис, номзадии Маҳмадшоҳ Гулзода аз ҷониби Ҳизби Халқии Демократии Тоҷикистон ба вакилии Маҷлиси намояндагони Маҷлиси Олии Ҷумҳурии Тоҷикистон дар ҳавзаи интихоботии якмандатии Данғара №36 пешбарӣ гардида, ба тариқи овоздиҳии пинҳонӣ дастгирӣ ёфт.
Муовини якуми Раиси Ҳизби Халқии Демократии Тоҷикистон Маликшо Неъматзода иброз намуд, ки мо бояд дар ҷараёни омодагӣ ба маъракаи интихоботи вакилони Маҷлиси намояндагони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ барои таъмини пирӯзии номзадҳои Ҳизби Халқии Демократии Тоҷикистон дар баробари аъзои ҳизб ҷонибдорону хайрхоҳони хешро ҷалб намоем.
Дар фарҷом оид ба масъалаи баррасигардида қарорҳои дахлдор қабул карда шуданд.
Ёдовар мешавем, ки тибқи моддаи 31-и Қонуни конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон», пешбарии номзадҳо ба вакилии Маҷлиси намояндагони Маҷлиси Олии Ҷумҳурии Тоҷикистон дар ҳавзаи интихоботии якмандата аз ҷониби ҳизбҳои сиёсӣ тавассути Маҷлиси Кумитаи иҷроия (пленум) ва конференсияҳои онҳо доир шуда, 60 рӯз пеш аз интихобот оғоз мегардад ва 45 рӯз то интихобот ба охир мерасад.
АКС: Кумитаи иҷроияи Ҳизби Халқии Демократии Тоҷикистон дар ноҳияи Данғара
Номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатаи Ваҳдат, №10 пешбарӣ гардид
Семинар-машварати аъзои Комиссияи ҳавзаи интихоботии якмандатаи Шоҳмансур №3 доир шуд
Номзад аз Ҳизби аграрии Тоҷикистон аз ҳавзаи интихоботии якмандатии Спитамен, №25 пешбарӣ карда шуд
Номзад ба вакилии Маҷлиси намояндагони Маҷлиси Олӣ аз ҳавзаи якмандатии интихоботии Конибодом №19 пешбарӣ карда шуд
Номзад аз Ҳизби Халқии Демократии Тоҷикистон дар ҳавзаи якмандатаи интихоботии Хоруғ, №41 пешбарӣ гардид
Номзад аз Ҳизби Халқии Демократии Тоҷикистон дар ҳавзаи интихоботии якмандатии Сомонӣ, №8-и ноҳияи Рӯдакӣ пешбарӣ карда шуд
Дар ҳавзаи интихоботии якмандатии Восеъ №39 аз ҲХДТ номзад ба вакилии Маҷлиси намояндагон пешбарӣ гардид
Аз ҳавзаи якмандатии интихоботии Ҷайҳун №33 номзад ба вакилии Маҷлиси намояндагони Маҷлиси Олӣ пешбарӣ карда шуд
Аз Ҳизби Халқии Демократии Тоҷикистон номзад ба вакилии Маҷлиси намояндагон аз ҳавзаи якмандатии интихоботии Ашт №17 пешбарӣ карда шуд
Номзад аз Ҳизби Халқии Демократии Тоҷикистон дар ҳавзаи интихоботии якмандатии Ҷаббор Расулов №16 пешбарӣ гардид
Дар ҳавзаи интихоботии якмандатии Ванҷ-№40 аз Ҳизби Халқии Демократии Тоҷикистон номзад пешбарӣ гардид
Аз ҷониби Ҳизби Халқии Демократии Тоҷикистон номзад ба вакилии Маҷлиси намояндагон аз ҳавзаи интихоботии якмандатии Мастчоҳ №18 пешбарӣ карда шуд
