Дар ҳавзаи интихоботии якмандатии Восеъ №39 аз ҲХДТ номзад ба вакилии Маҷлиси намояндагон пешбарӣ гардид

ДУШАНБЕ, 08.01.2025. /АМИТ «Ховар»/. Дар ҳавзаи интихоботии якмандатии Восеъ, №39 номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҷониби Ҳизби Халқии Демократии Тоҷикистон  муаррифӣ гардид.

Тавре ба АМИТ «Ховар» аз  Кумитаи иҷрояи Ҳизби Халқии Демократии Тоҷикистон дар ноҳияи Восеъ иттилоъ доданд, Комилҷон Шамшерзода аз ҷониби Ҳизби Халқии Демократии Тоҷикистон номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатии Восеъ, №39 пешбарӣ карда шуд. Қарори дахлдор дар маҷлиси  Кумитаи иҷроияи Ҳизби Халқии Демократии Тоҷикистон дар ноҳияи Восеъ қабул гардид.

Инчунин дар маҷлиси Кумитаи иҷрояи Ҳизби Халқии Демократии Тоҷикистон дар ноҳияи Восеъ масоили вобаста ба тасдиқи нақшаи чорабиниҳо оид ба таблиғу ташвиқи Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» аз 28 декабри соли 2024 ва пешбарии номзад ба вакилии Маҷлиси намояндагони Маҷлиси Олии Ҷумҳурии Тоҷикистон дар ҳавзаи интихоботии якмандатии Восеъ, №39 баррасӣ гардид.

 АКС: Кумитаи иҷрояи Ҳизби Халқии Демократии Тоҷикистон дар ноҳияи Восеъ