Дар ҳавзаи интихоботии якмандатии Қубодиён-№ 31 номзад аз Ҳизби Халқии Демократии Тоҷикистон пешбарӣ гардид

ДУШАНБЕ, 07.01.2025. /АМИТ «Ховар»/. Имрӯз ҷаласаи якҷояи кумитаҳои иҷроияи Ҳизби Халқии Демократии Тоҷикистон дар ноҳияи Қубодиён, Шаҳритус ва Носири Хусрав баргузор гардид, ки дар он  номзад ба вакилии Маҷлиси намояндагони Маҷлиси Олиии Ҷумҳурии Тоҷикистон дар ҳавзаи интихоботии якмандатии Қубодиён-№31 муаррифӣ гардид.

Тавре дар Кумитаи иҷроияи Ҳизби Халқии Демократии Тоҷикистон дар вилояти Хатлон ба  АМИТ «Ховар» иттилоъ доданд, дар ҷаласа номзадии Қиёмзода Зарафо Суфиҷон ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатии Қубодиён-№31 пешбарӣ гардид.

Гуфта шуд, ки номзади ҳизб мутобиқи моддаи 31-и Қонуни конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон» ба варақаи овоздиҳии пинҳонӣ сабти ном карда шуда, дар доираи 10 дақиқаи танаффус аъзои Кумитаи иҷроия мавқеи худро муайян намуданд ва  овоз доданд.

АКС: Кумитаи иҷроияи Ҳизби Халқии Демократии Тоҷикистон дар вилояти Хатлон