Дар назди Кумита оид ба таҳсилоти ибтидоӣ ва миёнаи касбӣ маҳфили «Шоҳномахонӣ» таъсис ёфт
ДУШАНБЕ, 23.01.2025 /АМИТ «Ховар»/. 22 январ дар Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон бо иштироки хонандагону донишҷӯён ва намояндагони муассисаҳои таҳсилоти ибтидоӣ ва миёнаи касбии шаҳри Душанбе нишасти нахустини маҳфили «Шоҳномахонӣ» баргузор гардид. Дар ин хусус ба АМИТ «Ховар» дар ин кумита хабар доданд.
Зимни ифтитоҳи маҳфил Раиси Кумита оид ба таҳсилоти ибтидоӣ ва миёнаи касбӣ Фарҳод Раҳимӣ иброз дошт, ки асари безаволи «Шоҳнома»-ро шоири классики тоҷик Абулқосим Фирдавсӣ дар муддати беш 30 сол навишта, ин асар бузургтарин шоҳасари ҷаҳон дониста мешавад. Идеяи асар даъвати халқ ба якдилӣ, тарғиби некӣ ба аҳли меҳнат ва омӯхтани илму ҳунар мебошад.
«Шуҳрату эътибори Фирдавсӣ ва «Шоҳнома»-и ӯ хеле бузург буда, дар таърихи адабиёти ҷаҳон ҳамчун асари қаҳрамонӣ шуҳрати ҷовидонӣ касб намудааст. Фирдавсӣ дар «Шоҳнома» оид ба мавзуъҳои пандуахлоқӣ, ватандӯстӣ, инсондӯстӣ, некию накӯкорӣ, ростгӯйӣ, донишу хирад, танқиди ҷаҳолат ва ситамкорӣ, ҳифзи ватан ва муҳаббат ба он таъкидҳои зиёд намудааст. Ба ақидаи шоир, некию накӯкорӣ яке аз хислатҳои наҷиби инсонӣ ба шумор меравад. Аз ин рӯ, ӯ тавассути ин асари безавол ба аҳли башар тавсия додааст, ки ба ҳамдигар меҳрубон бошанд ва танҳо некӣ кунанд, зеро амали нек ҷовидонӣ аст», — гуфт Фарҳод Раҳимӣ.
Иброз гардид, ки маҳфили «Шоҳномахонӣ» дар пайи татбиқи ташаббуси навбатии Президенти Тоҷикистон муҳтарам Эмомалӣ Раҳмон бобати нашр ва ба тамоми мардуми ҷумҳурӣ дастрас кардани «Шоҳнома»-и Фирдавсӣ ташкил шуда, ҳадафи он огоҳии ҳарчи бештари хонандагону донишҷӯён аз таъриху фарҳанг ва тамаддуни аҷдодии хеш мебошад.
Аъзои маҳфил аз ҳисоби хонандагону донишҷӯён ва кормандону омӯзгорони муассисаҳои таҳсилоти ибтидоӣ ва миёнаи касбии шаҳри Душанбе интихоб шуда, моҳе 2 маротиба достонҳои ин шоҳасари миллиро баррасӣ мекунанд.
Маҳфили Шоҳномахонӣ» дар маркази вилоятҳо ва шаҳру ноҳияҳои тобеи ҷумҳурӣ низ таъсис дода мешавад.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
Байни Маркази барномаҳои байналмилалӣ ва Муассисаи таълимии байналмилалии «Оксфорд» Созишномаи ҳамкорӣ ба имзо расид
Масъалаи ҳамкорӣ дар соҳаи маорифи Тоҷикистон ва Зимбабве баррасӣ гардид
Маркази эҷодии кӯдакон ва наврасони ноҳияи Фирдавсӣ сазовори Ҷоми «Сарраёсати маорифи шаҳри Душанбе» гардид
ВАСФИ ВАТАН ВА ХИРАД ДАР «ШОҲНОМА». Узви вобастаи Академияи миллии илмҳои Тоҷикистон Нуриддин Саид ин мавзуъро шарҳ медиҳад
Дар 21 шаҳру ноҳияҳои Тоҷикистон барои кормандони муваққатии марказҳои имтиҳонӣ машварати омӯзишӣ баргузор мегардад
«Ҳар он кас, ки Шоҳномахонӣ кунад…». Ин озмун дар байни донишҷӯдухтарон ҷамъбаст гардид
Даври дуюми бақайдгирӣ барои иштирок дар имтиҳонҳои марказонидаи дохилшавӣ аз моҳи июн оғоз мешавад
Ҷавонони боистеъдоди тоҷик дар беҳтарин муассисаҳои таҳсилоти олии давлатҳои пешрафтаи ҷаҳон таҳсил доранд
Дар Вазорати маориф ва илм рафти иҷрои барномаҳои давлатии соҳаи маориф дар шаҳру ноҳияҳои тобеи ҷумҳурӣ баррасӣ гардид
Дар Донишгоҳи байналмилалии забонҳои хориҷии Тоҷикистон Маркази иттилоот, инноватсия ва рақамикунонӣ ифтитоҳ гардид
Президенти Тоҷикистон: «Барои таълиму тарбияи наврасону ҷавонон 11 лоиҳаи сармоягузории давлатӣ татбиқ мегардад»
Бо мақсади омӯзиши ҳатмии забонҳои хориҷӣ замимаи мобилии «Забондон» таҳия гардид
