ФУТБОЛ. Дастаи мунтахаби наврасони Тоҷикистон (U-17) тими «Лехия»-и Лаҳистонро дар бозии санҷишӣ мағлуб намуд

ДУШАНБЕ, 21.01.2025 /АМИТ «Ховар»/. Дастаи мунтахаби наврасони то 17-солаи Тоҷикистон оид ба футбол омодагиро ба қисми ниҳоии Ҷоми Осиё-2025 дар Анталияи Туркия идома медиҳад, хабар медиҳад АМИТ «Ховар» бо истинод ба Федератсияи футболи Тоҷикистон.

20 январ дастаи мунтахаби наврасони Тоҷикистон (U-17) бо ҳамсолони худ аз тими «Лехия Зелена Гура» рақобат кард.

Бозӣ бо ҳисоби 2:0 ба фоидаи дастаи мо анҷом ёфт.

Бозии санҷишии охирини мо дар ҷамъомади таълимию тамринӣ дар Туркия 23 январ бо тими Академияи «Краснодар» дар назар аст.

АКС: Федератсияи футболи Тоҷикистон