Иштироки фаъолонаи ҷавонон дар раванди интихобот бозгӯи камолоти фарҳанги сиёсию ҳуқуқии онҳо аст
ДУШАНБЕ, 25.01.2025. /АМИТ «Ховар»/. Муовини якуми Раиси Ҳизби Халқии Демократии Тоҷикистон Маликшо Неъматзода дар маҳфили омӯзишии «Пайравони Пешвои миллат» дар шаҳри Душанбе иброз дошт, ки «Паёми Президенти Тоҷикистон муҳтарам Эмомалӣ Раҳмон ба Маҷлиси Олӣ бояд сармашқи кори ҳар яки мо бошад ва мо, халқи Тоҷикистон дар якҷоягӣ дар ободонии мамлакатамон саҳми бориз гузорем».
АМИТ «Ховар» бо истинод ба Раёсати кор бо ҷавонон ва варзиши шаҳри Душанбе иттилоъ медиҳад, ки дар маҳфил нуктаҳои асосии Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ «Дар бораи самтҳои асосии сиёсати дохилию хориҷии Ҷумҳурии Тоҷикистон» шарҳу тавзеҳ дода шуданд.
«Нуктаҳои асосии ҳар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ ба фароҳам овардани шароити зиндагии шоиста барои сокинони мамлакат нигаронида шудаанд. Пешвои миллат ба ҳисси баланди миллӣ, эҳсоси гарми ватандӯстӣ, нияти неку азми қатъӣ ва саъю талоши созандаи мардуми Тоҷикистон, бахусус ҷавонон эътимоди комил доранд. Аз ин рӯ моро месазад, ки бо фаъолияти худ ва нишон додани натиҷаҳои самаранок сазовори эътимоди Роҳбари давлат гардем»,-таъкид гардид дар ҳамоиш.
Иштирокдорони ҳамоиш иброз намуданд, ки дарки баланди масъулияти шаҳрвандӣ ва саҳмгузорӣ дар рушди ҷомеа тақозо менамояд, ки ҷавонон нисбат ба нақшу мавқеи худ фаъолтару бошууронатар муносибат намоянд. Таъкид шуд, ки яке аз василаҳои муҳими фаъол гардонидани нақши ҷавонон дар равандҳои сиёсӣ, аз ҷумла интихобот боло бурдани сатҳи маърифати сиёсӣ ва ҳуқуқии онҳо мебошад. Ҳар маъракаи интихобот, ки дар марҳилаҳои муайян дар мамлакат баргузор мешавад, имкони мусоиди санҷиши масъулиятшиносии ҷавонон аст, зеро маҳз дар ҳамин давра фазои сиёсии муносиб барои нишон додани мавқеи шаҳрвандӣ ва ҳисси ватандӯстии ҷавонон фароҳам оварда мешавад. Вобаста ба ин ҷалби ҷавонон ва фаъолияти онҳо дар раванди интихобот муҳим мебошад.
Гуфта шуд, ки иштироки фаъолонаи ҷавонон дар раванди интихобот васила ва нишони камолоти фарҳанги сиёсию ҳуқуқии онҳо мебошад. Муносибати бошууронаи ҷавонон ба иҷрои масъулияти шаҳрвандӣ, дарки вазифаҳо дар назди ҷомеа ва давлат ва кӯшиши иштироки фаъолона дар таҳкими пояҳои давлатдорӣ ифодаи ташаккули насли ҷавони худшинос дар ҷомеаи Тоҷикистон мебошад.
АКС: Раёсати кор бо ҷавонон ва варзиши шаҳри Душанбе
Дар Ваколатдор оид ба ҳуқуқи инсон бахшида ба ташаббуси навбатии ҷаҳонии Тоҷикистон ҳамоиш баргузор гардид
Дар Тоҷикистон 15 телевизион ва 10 радиои давлатӣ, 16 телевизион ва 25 радиои хусусӣ фаъолият доранд
Бо риояи қоидаҳои одӣ худро аз таъсири гармӣ муҳофизат намоед
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
