Лондон аз рӯи танбашавии нақлиёт байни шаҳрҳои Аврупо дар ҷойи якум қарор гирифт

ДУШАНБЕ, 08.01.2025 /АМИТ «Ховар»/. Ширкати таҳлилии нақлиётии Inrix таҳқиқот анҷом дод, то муайян намояд, ки соли 2024 дар кадом шаҳрҳои Аврупо танбашавии зиёди нақлиёт мушоҳида шуд. Натиҷаҳои ин таҳқиқотро нашрияи «The Guardian» нашр намудааст, хабар медиҳад АМИТ «Ховар».

Иттилоъ дода шудааст, ки Лондон дар садри раддабандӣ қарор дорад: ронандагон дар пойтахти Британияи Кабир ба ҳисоби миёна 101 соатро дар танбашавӣ сарф намудаанд, ки нисбат ба як соли қабл 2% зиёд аст. Дар шоҳроҳи “A40 Westway”-и ин давлат танбашавии зиёди нақлиёт ба қайд гирифта шудааст.

Коршиносон тахмин мезананд, ки ин меъёр аз сабаби «тамаркузи аҳолӣ» аст. Аммо, тавре дигар манбаъҳо хабар медиҳанд, Лондон ҳамеша бо роҳҳои пурбораш машҳур буд. Масалан, мансабдори англис Сэмюэл Пепис дар рӯзномаи худ навиштааст, ки чӣ тавр соли 1661 ӯ барои хӯроки шом хӯрдан бо лорд Крю дар роҳи Лондон якуним соат банд мондааст.

Париж дар ин раддабандӣ ҷои дуюмро гирифт. Ронандагони маҳаллӣ соли 2024 тақрибан 97 соатро дар танбашавӣ гузаронидаанд. Дар ҷойи сеюм пойтахти Ирландия — Дублин қарор гирифт, ки дар он соли 2024 ронандагон тақрибан 81 соатро барои ҳаракати мушкил сарф кардаанд.

Маълум аст, ки ширкати Inrix барои ҳисоб кардани вақт ва гузаронидани таҳлил аз манбаъҳои гуногуни маълумот, аз ҷумла маълумоти телефонҳо ва навигаторҳо истифода бурдааст.

АКС аз манбаъҳои боз