Номзад аз Ҳизби Халқии Демократии Тоҷикистон дар ҳавзаи якмандатаи интихоботии Хоруғ, №41 пешбарӣ гардид

ДУШАНБЕ, 08.01.2024. /АМИТ «Ховар»/. Дар шаҳри Хоруғ ҷаласаи якҷояи кумитаҳои иҷроияи ҳизбӣ дар шаҳри Хоруғ, Роштқалъа Ишкошим Мурғоб ва як қисми ноҳияи Шуғнон баргузор гардид. Дар ин хусус ба АМИТ «Ховар» аз Кумитаи иҷроияи Ҳизби Халқии Демократии Тоҷикистон дар Вилояти Мухтори Кӯҳистони Бадахшон хабар доданд.

Дар кори ҷаласа масъалаҳо доир ба шарҳу тавзеҳи Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон аз 28 декабри соли 2024, таъсиси Ситоди пешазинтихоботии Кумитаи иҷроияи Ҳизби Халқии Демократии Тоҷикистон дар Вилояти Мухтори Кӯҳистони Бадахшон ва пешбарии номзад ба вакилии Маҷлиси намояндагони Маҷлиси Олии Ҷумҳурии Тоҷикистон  аз ҳавзаи интихоботии якмандатии Хоруғ, №41 баррасӣ гардиданд.

Аз ҳавзаи интихоботии якмандатии Хоруғ, №41 номзадии Азиз Гиёзода ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид.

АКС: Кумитаи иҷроияи Ҳизби Халқии Демократии Тоҷикистон дар Вилояти Мухтори Кӯҳистони Бадахшон