Номзад ба вакилии Маҷлиси намояндагон аз ҳавзаи интихоботии якмандатии Фархор, №34 пешниҳод гардид

ДУШАНБЕ, 09.01.2025. /АМИТ «Ховар»/. 9 январ дар ноҳияи Фархор маҷлиси якҷояи кумитаҳои иҷроияи Ҳизби Халқии Демократии Тоҷикистон дар ноҳияи Фархор ва Панҷ баргузор гардид. Дар ин хусус ба  АМИТ «Ховар» аз Кумитаи иҷроияи Ҳизби Халқии Демократии Тоҷикистон дар вилояти Хатлон иттилоъ доданд.

Дар маҷлис доир ба нақшаи чорабиниҳо оид ба таблиғу ташвиқи Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» аз 28 декабри соли 2024 ва пешбарии номзад ба вакилии Маҷлиси намояндагони Маҷлиси Олии Ҷумҳурии Тоҷикистон дар ҳавзаи интихоботии якмандатии Фархор, №34  баррасӣ гардид.

Аз ҷониби Ҳизби Халқии Демократии Тоҷикистон номзадии Азизбек Хайриддинзода ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатии Фархор, №34 пешбарӣ гардид.

АКС: Кумитаи иҷроияи Ҳизби Халқии Демократии Тоҷикистон дар вилояти Хатлон