Номзад ба вакилии Маҷлиси намояндагони Маҷлиси Олӣ аз ҳавзаи якмандатии интихоботии Конибодом №19 пешбарӣ карда шуд

ДУШАНБЕ, 08.01.2024. /АМИТ «Ховар»/. Дар шаҳри Конибодом  маҷлиси Кумитаи иҷроияи Ҳизби Халқии Демократии Тоҷикистон баргузор гардида, номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи якмандатии интихоботии Конибодом, №19 пешбарӣ карда шуд.  Дар ин хусус ба АМИТ «Ховар» аз Кумитаи иҷроияи Ҳизби Халқии Демократии Тоҷикистон хабар доданд.

Зимни он вазифаҳои ташкилоти ҳизбӣ барои тарғиб ва амалигардонии нуктаҳои Паёми Президенти Ҷумҳурии Тоҷикистон  муҳтарам Эмомалӣ Раҳмон ба Маҷлиси Олии Ҷумҳурии Тоҷикистон шарҳ дода шуданд.

Дар ҷаласа номзадии Насрулло Маҳмудзода ба вакилии Маҷлиси намояндагони Маҷлиси Олии Ҷумҳурии Тоҷикистон аз  ҳавзаи якмандатии интихоботии Конибодом №19 пешбарӣ карда шуд.

АКС: Кумитаи иҷроияи Ҳизби Халқии Демократии Тоҷикистон