Номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатии Бобоҷон Ғафуров №14 пешбарӣ гардид

ДУШАНБЕ, 07.01.2025 /АМИТ «Ховар»/. Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон тамоми бахшу соҳаҳоро фарогир буда, моро ба сӯи музаффарият роҳнамоӣ менамояд. Чунин таъкид гардид дар маҷлиси Кумитаи иҷроияи Ҳизби Халқии Демократии Тоҷикистон дар ноҳияи Бобоҷон Ғафуров.

АМИТ «Ховар» бо истинод ба Мақомоти иҷроияи ҳокимияти давлатии ноҳияи Бобоҷон Ғафуров иттилоъ медиҳад, ки дар маҷлис  муовини Раиси Ҳизби Халқии Демократии Тоҷикистон Мирзоқосим Каримзода, аъзои Раёсати Кумитаи Иҷроияи Марказии Ҳизби Халқии Демократии Тоҷикистон, роҳбарияти ноҳияи  Бобоҷон Ғафуров, аъзои Кумитаи иҷроияи ноҳиявӣ,  собиқадорон, занону ҷавонон ва фаъолони ҳизб иштирок намуда, доир ба нуктаҳои Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон маъруза намуданд.

Инчунин дар маҷлис ситоди пешазинтихоботии Кумитаи иҷроияи Ҳизби Халқии Демократии Тоҷикистон дар ноҳияи Бобоҷон Ғафуров иборат аз 30 нафар таъсис дода шуда,  аъзои Ҳизби Халқии Демократии Тоҷикистон Дилафрӯз Раббизода номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатии Бобоҷон Ғафуров №14 пешбарӣ карда шуд.

Муовини Раиси Ҳизби Халқии Демократии Тоҷикистон Мирзоқосим Каримзода ва  аъзои Раёсати Кумитаи иҷроияи марказии Ҳизби Халқии Демократии Тоҷикистон  доир ба татбиқ ва тарғибу ташвиқи ҳар нуктаи Паёми  Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, ҳадафҳои оинномавӣ ва барномавии ҳизб, дар сатҳи баланд гузаронидани маъракаи муҳими сиёсӣ – интихоботи вакилон, вусъати корҳои ободонию созандагӣ ба истиқболи ҷашни 35-солагии Истиқлоли давлатии Ҷумҳурии Тоҷикистон сухан гуфтанд.

 АКС: Мақомоти иҷроияи ҳокимияти давлатии ноҳияи Бобоҷон Ғафуров