Номзадҳо ба вакилии Маҷлиси вакилони халқи ноҳияи Мир Саид Алии Ҳамадонӣ муаррифӣ шуданд

ДУШАНБЕ, 23.01.2025. /АМИТ «Ховар»/. Дар ноҳияи Мир Саид Алии Ҳамадонӣ маҷлиси Кумитаи иҷроияи Ҳизби Халқии Демократии Тоҷикистон доир гардид. Дар ин хусус ба АМИТ «Ховар»  дар  Ҳизби Халқии Демократии Тоҷикистон иттилоъ доданд.

Дар маҷлис фаъолияти Кумитаи иҷроияи Ҳизби Халқии Демократии Тоҷикистон дар ноҳияи Мир Сайид Алии Ҳамадонӣ дар соли 2024 натиҷагирӣ ва вазифаҳо барои соли 2025 гузошта шуданд. Ҳамчунин тасдиқи нақшаи кори Кумитаи иҷроияи Ҳизби Халқии Демократии Тоҷикистон дар ноҳия барои соли 2025,  пешбарии номзадҳо ба вакилии Маҷлиси вакилони халқи вилояти Хатлон дар ҳавзаҳои интихоботии №48, №49, №50 ва №51-и ҳудуди ноҳияи Мир Саид Алии Ҳамадонӣ,  пешбарии номзадҳо ба вакилии Маҷлиси вакилони халқи ноҳияи Мир Саид Алии Ҳамадонӣ дар 40 ҳавзаи интихоботии ноҳияи Мир Саид Алии Ҳамадонӣ мавриди баррасӣ қарор дода шуд.

Сипас  номзадҳо ба вакилии Маҷлиси вакилони халқи вилояти Хатлон дар ҳавзаҳои интихоботии №48, №49, №50 ва №51-и ҳудуди ноҳияи Мир Саид Алии Ҳамадонӣ пешбарӣ шуданд.

Мувофиқи талаботи Қонуни Ҷумҳурии Тоҷикистон «Дар бораи интихоботи вакилони маҷлисҳои маҳаллии вакилони халқ» номзадии Саидзода Ҷамшед Ҳамро ба вакилии Маҷлиси вакилони халқи вилояти Хатлон аз ҳавзаи интихоботии № 48, номзадии Нурулло Мирзозода ба вакилии Маҷлиси вакилони халқи вилояти Хатлон аз ҳавзаи интихоботии №49, номзадии Моҳира Маҳмуродзода ба вакилии Маҷлиси вакилони халқи вилояти Хатлон аз ҳавзаи интихоботии №50 ва номзадии Марҷона Муродова ба вакилии Маҷлиси вакилони халқи вилояти Хатлон аз ҳавзаи интихоботии № 51 пешбарӣ гардиданд.

 АКС: Кумитаи иҷроияи Ҳизби Халқии Демократии Тоҷикистон дар вилояти Хатлон