«ОЛИМПИАДАИ ЗАБОНИ РУСӢ-2024». Ғолибони он қадрдонӣ гардиданд

Январь 20, 2025 17:11

ДУШАНБЕ, 20.01.2025. /АМИТ «Ховар»/. Имрӯз дар Донишгоҳи славянии Русия ва Тоҷикистон ғолибони озмуни умумирусиягии «Олимпиадаи забони русӣ-2024» барои донишҷӯёни барномаҳои таҳсилоти олӣ ва миёнаи махсуси ихтисосҳои ғайрифилологӣ қадрдонӣ карда шуданд. Дар ин хусус ба АМИТ «Ховар» дар Донишгоҳи славянии Русия ва Тоҷикистон хабар доданд.

Дар фазои тантанавӣ ректори донишгоҳ, профессор Файзулло Машраб донишҷӯёнро барои иштироки фаъолона дар озмун табрик гуфта, ба онҳо диплому шаҳодатномаҳо тақдим намуд.

Ёдовар мешавем, ки аз 16 октябр то 16 ноябри соли 2024 кафедраи фалсафа ва коммуникатсияҳои иҷтимоии Донишгоҳи давлатии техникии Липетск озмуни умумирусиягии «Олимпиадаи забони русӣ- 2024» баргузор намуд, ки дар он донишҷӯёни давлатҳои гуногун иштирок намуданд.

Дар озмун аз рӯйи ихтисоси «Забоншиносӣ» (англисӣ) дар се номинатсия иштирокчиён ғолиб дониста шуданд.

Аз ҷумла, дар номинатсияи «Иншои беҳтарин» ҷойи якум ба Сарвиноз Маллаева, дар номинатсияи «Асари беҳтарин байни ихтисосҳои техникӣ» ҷойи дуюм ба Фараҳноз Маллаева ва дар номинатсияи «Равиши беҳтарини таҳқиқотӣ» ҷойи дуюм ба Ширин Файзуллоева дода шуд.

Инчунин Дилноза Раҳимова ва Фарзона Исаева барои иштироки фаъолона қадрдонӣ шуданд.

Бояд таъкид намуд, ки дар Тоҷикистон ба таълим ва омӯзиши забонҳои русию англисӣ таваҷҷуҳи махсус зоҳир мегардад. Далели ин 4 апрели соли 2003 ба имзо расидани Фармони Президенти Ҷумҳурии Тоҷикистон «Дар бораи такмили таълим ва омӯзиши забонҳои русӣ ва англисӣ дар Тоҷикистон» мебошад.

Сарвари давлат муҳтарам Эмомалӣ Раҳмон пайваста таъкид менамоянд, ки забондонии кормандони давлатӣ яке аз омилҳои муҳими пешрафти кор маҳсуб мешавад. Пешвои миллат зимни яке аз суханрониҳо иброз доштанд, ки «ҳамеша бояд дар ёд дошт, ки дар замони рушди пуравҷи илму техника, технологияҳои нав, алалхусус технологияҳои иттилоотӣ ва қувват гирифтани равандҳои ҷаҳонишавӣ бе омӯзиши забонҳои хориҷӣ, алалхусус забонҳои русӣ ва англисӣ тайёр кардани мутахассисон ва коршиносони ҷавобгӯ ба талаботи имрӯзаи ҷаҳонӣ, афзудани сарватҳои моддию маънавӣ ва ишғол намудани мавқеи сазовор дар байни кишварҳои пешрафтаи ҷаҳон хеле мушкил аст».

Бо ин мақсад бо Фармони Президенти Ҷумҳурии Тоҷикистон аз 1 апрели соли 2024 кормандони мақомоти давлатӣ, худидоракунии маҳаллӣ ва ташкилоти давлатӣ ба муҳлати яку ним сол ба омӯзиши ҳатмии забонҳои хориҷӣ (русӣ, англисӣ ва ё забонҳои дигар) дар доираи маблағҳои пешбинишуда ва сарчашмаҳои дигаре, ки қонунгузорӣ манъ накардааст, фаро гирифта мешаванд.

Тоҷикистон яке аз аввалинҳо шуда, дар сатҳи қонунгузорӣ «Барномаи давлатии такмили таълими забонҳои хориҷӣ, аз ҷумла забони русӣ»-ро тасдиқ намудааст. Дар меъёрҳои давлатии таҳсилоти ибтидоӣ, миёна ва олии касбӣ ба забони русӣ мақоми фанни ҳатмӣ дода шудааст. Забони русиро дар тамоми мактабҳои таҳсилоти умумии мамлакат, шуруъ аз синфи дуюм меомӯзанд.

АКС: Донишгоҳи славянии Русия ва Тоҷикистон

 

Январь 20, 2025 17:11

Хабарҳои дигари ин бахш

ҲАМНАФАСИ МАРДУМ, ҲАМҚАДАМИ ТАЪРИХ. Андешае дар ҳошияи Рӯзи Президенти Ҷумҳурии Тоҷикистон
ПЕШВОИ МИЛЛАТ ВА ТАҲКИМИ ПОЯҲОИ РУШДИ ИҚТИСОДИИ ТОҶИКИСТОН. Дар ҳошияи таҷлили Рӯзи Президент
Бахшида ба Рӯзи Президент дар Донишгоҳи байналмилалии сайёҳӣ ва соҳибкорӣ ҳамоиш доир шуд
Барномаи «Низоми арзёбии донистани забони тоҷикӣ барои шаҳрвандони хориҷӣ» муаррифӣ гардид
Ҳаками озмуни «Фурӯғи субҳи доноӣ китоб аст» Шодӣ Раҷабзод: «Сатҳи омодагӣ, донишу маърифат ва ҷаҳонбинии довталабон сол то сол беҳтар мегардад»
«ИЛМ — ФУРӮҒИ МАЪРИФАТ». 59 иштирокчии даври ниҳоии озмун қадрдонӣ карда шуданд
РӮЗИ ПРЕЗИДЕНТИ ТОҶИКИСТОН — РӮЗИ АРҶГУЗОРӢ БА МЕЪМОРИ СУЛҲУ ВАҲДАТИ ТОҶИКОН ДАР АРСАИ ҶАҲОНӢ. Андешаҳо дар ин маврид
ШИНОХТИ ШАХСИЯТҲОИ АДАБӢ ВА ТАЪРИХӢ ДАР ЗАМИНАИ ИСТИҚЛОЛ. Бо чунин унвон конференсияи ҷумҳуриявӣ доир гардид
Дар ноҳияи Бобоҷон Ғафуров сохтмони иншооти соҳаи маориф ва саноат идома дорад
«ФУРӮҒИ СУБҲИ ДОНОӢ КИТОБ АСТ». Бо иштироки 562 довталаб даври ниҳоии озмун ифтитоҳ ёфт
Имрӯз даври ниҳоии Озмуни ҷумҳуриявии «Фурӯғи субҳи доноӣ китоб аст» оғоз мегардад
Ҷаласаи ситоди даври чоруми Озмуни ҷумҳуриявии «Фурӯғи субҳи доноӣ китоб аст» баргузор гардид