ҶОМИ ФФТ-2025. Дастаи футболи «Регар-ТадАЗ»-и шаҳри Турсунзода бар дастаи «Шодмон»-и шаҳри Ҳисор ғолиб омад
ДУШАНБЕ, 31.01.2025 /АМИТ «Ховар»/. Дастаҳои футболи «Шодмон»-и шаҳри Ҳисор ва «Регар-ТадАЗ»-и шаҳри Турсунзода дар доираи бозиҳои даври 3-юми марҳилаи муқаддамотии Ҷоми ФФТ-2025 дар минтақаи Душанбе бозӣ карданд. Вохӯрии дастаҳо дар майдончаҳои захиравии Варзишгоҳи марказии шаҳри Душанбе доир шуда, бо ҳисоби 1 бар 3 ба фоидаи дастаи футболи «Регар-ТадАЗ»-и шаҳри Турсунзода анҷом ёфт. Дар ин хусус шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон хабар медиҳад.
Голҳои дастаи футболи «Регар-ТадАЗ»-и шаҳри Турсунзодаро дар ин бозӣ Квадво Фримпонг, Фаридун Давлатов ва Осуман Касим ба нишон расонида, ҳисобро 3 бар 1 ба фоидаи дастаи футболи «Регар-ТадАЗ»-и шаҳри Турсунзода карданд. Ягона голи дастаи футболи «Шодмон»-ро аз пеналти Анӯшервон Мирзозода ба нишон расонид.
Ин ғалабаи сеюми дастаи футболи «Регар-ТадАЗ»-и шаҳри Турсунзода дар марҳилаи интихобии Ҷоми ФФТ-2025 дар минтақаи Душанбе буд. Дар даври аввал дастаи футболи «Регар-ТадАЗ»-и шаҳри Турсунзода бар дастаҳои футболи «Рангон»-и ноҳияи Рӯдакӣ бо ҳисоби калони 8 бар 0 ва дар даври дуюм бар «Ёқут»-и шаҳри Ваҳдат бо ҳисоби 2 бар 0 зафар ёфт.
Дастаи футболи «Шодмон»-и шаҳри Ҳисор дар даври аввал аз дастаи КМВА-и шаҳри Душанбе бо ҳисоби 0 бар 2 мағлуб шуда, дар даври дуюм бо дастаи «Душанбе» мусовӣ- 1 бар 1 бозӣ карда буд. Ҳоло дар ҷадвали гурӯҳи «А» дастаи футболи «Регар-ТадАЗ»-и шаҳри Турсунзода бо 9 имтиёз дар зинаи дуюм аст. Дастаи футболи «Шодмон»-и шаҳри Ҳисор бо 1 имтиёз дар зинаи 5-ум ва дастаи КМВА-и шаҳри Душанбе бо 9 имтиёз пешсафи гурӯҳ мебошад. Дастаҳои дигари гурӯҳ- «Душанбе» бо 4 имтиёз дар зинаи сеюм, «Рангон» бо 3 имтиёз дар зинаи 4-ум ва «Ёқут» бе имтиёз дар зинаи охир мавқеъ гирифтаанд.
Дар даври чаҳорум дастаи футболи «Регар-ТадАЗ»-и шаҳри Турсунзода 31 январ бо дастаи «Душанбе» вомехӯрад. Оғози рақобат соати 13:30 дар назар аст. Дастаи «Шодмон»-и шаҳри Ҳисор дар даври чаҳорум бо дастаи «Рангон» бозӣ мекунад. Вохӯрии дастаҳо 31 январ, соати 10:30 оғоз мешавад.
Хотиррасон мешавем, ки дар мусобиқаи пешазмавсимии Ҷоми Федератсияи футболи Тоҷикистон, ки зери сарпарастии Президенти Федератсияи футболи Тоҷикистон баргузор мегардад, имсол фонди ҷоизавӣ дар ҳаҷми 100 ҳазор сомонӣ муайян гардидааст. Дастаи ғолиб 50 ҳазор, зинаи дуюм 30 ҳазор ва зинаи сеюм 20 ҳазор сомонӣ ба даст меоранд.
АКС: Федератсияи футболи Тоҷикистон
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
