Соли 2024 корхонаҳои саноатии Душанбе ба маблағи 5,2 миллиард сомонӣ маҳсулот истеҳсол намуданд

ДУШАНБЕ, 20.01.2025 /АМИТ «Ховар»/. Соли 2024 корхонаҳои саноатии шаҳри Душанбе ба маблағи 5,2 миллиард сомонӣ маҳсулот истеҳсол намуданд ва суръати рушд нисбат ба соли 2023 25 фоиз афзоиш ёфт. Ҳаҷми содироти корхонаҳои шаҳр ба хориҷи мамлакат ба беш аз 170 миллион сомонӣ расонида шуд. Дар ин хусус 17 январ зимни маҷлиси васеи Ҳукумати Ҷумҳурии Тоҷикистон оид ба натиҷаҳои рушди иҷтимоию иқтисодии ҷумҳурӣ дар соли 2024 иттилоъ дода шуд.

Соли 2024 дар пойтахт 141 коргоҳу корхонаи истеҳсолӣ бо беш аз 7600 ҷойи кори нав ба фаъолият шуруъ намуд.

Дар ин давра дар соҳаҳои гуногуни иқтисодию иҷтимоии шаҳр аз ҳисоби ҳама манбаъҳо зиёда аз 43 ҳазор ва давоми 8 соли охир беш аз 280 ҳазор ҷойи нави кор таъсис дода шуд.

АКС: АМИТ «Ховар»