Тоҷикистон ва Қибрис ҳамраисони ҷаласаи сатҳи баланд оид ба муқовимат ба савдои одамон таъйин шуданд
ДУШАНБЕ, 24.01.2025 /АМИТ «Ховар»/. 22 январ Намояндаи доимии Ҷумҳурии Тоҷикистон дар Созмони Милали Муттаҳид (СММ) Ҷонибек Ҳикмат ва Намояндаи доимии Ҷумҳурии Қибрис дар Созмони Милали Муттаҳид Мария Михай бо Президенти иҷлосияи 79-уми Маҷмаи Умумии Созмони Милали Муттаҳид Филемон Янг вохӯрӣ намуданд.
Тавре АМИТ «Ховар» бо истинод ба Намояндагии доимии Ҷумҳурии Тоҷикистон дар Созмони Милали Муттаҳид хабар медиҳад, Намояндаи доимии Тоҷикистон ва Намояндаи доимии Қибрис дар Созмони Милали Муттаҳид аз ҷониби Президенти иҷлосияи 79-уми Маҷмаи Умумии Созмони Милали Муттаҳид ба ҳайси пешбаранда ва ҳамраисони машваратҳои байниҳукуматии ҷаласаи сатҳи баланд оид ба татбиқи Нақшаи ҷаҳонии амал дар бораи муқовимат ба савдои одамон таъйин шуданд.
Тоҷикистон ва Қибрис ҳамчун ҳамраисони ин раванд ваколатдор мегарданд, ки музокироту машваратҳои байниҳукуматиро бо кишварҳои аъзо дар хусуси баргузории ҷаласаи сатҳи баланд зимни иҷлосяи 80-уми Маҷмаи Умумии Созмони Милали Муттаҳид ва қабули эъломияи сиёсӣ оид ба ҷараёни татбиқи Нақшаи ҷаҳонии амал дар бораи муқовимат ба савдои одамон пешбарӣ намоянд.
АКС: Намояндагии доимии Ҷумҳурии Тоҷикистон дар Созмони Милали Муттаҳид
Сироҷиддин Муҳриддин бо вазирони корҳои хориҷии Салтанати Умон, Габон, Кипр ва Сингапур мулоқот намуд
Дар Ню-Йорк омодагӣ ба Конфронси оби СММ – 2028 дар шаҳри Душанбе баррасӣ гардид
Идомаи сафари расмии Сарвазири Ҷумҳурии Тоҷикистон Қоҳир Расулзода дар Ҷумҳурии Озарбойҷон
Вазири корҳои хориҷии Тоҷикистон бо Дабири кулли Созмони ҳамкории рақамӣ вохӯрӣ намуд
Таҳти ҳамоҳангсозии Тоҷикистон ҷаласаи сафирони Гурӯҳи кишварҳои рӯ ба тараққии маҳсур дар хушкӣ доир гардид
Вазири корҳои хориҷии Тоҷикистон дар якчанд чорабинии сатҳи баланд дар Ню-Йорк иштирок намуд
Сироҷиддин Муҳриддин бо раиси иҷлосияи 81-уми Маҷмаи умумии СММ мулоқот намуд
Президенти Озарбойҷон Илҳом Алиев бо Сарвазири Тоҷикистон Қоҳир Расулзода мулоқот намуд
Ҳамкории Тоҷикистон бо Сандуқи кувайтӣ барои рушди иқтисодии арабӣ баррасӣ шуд
Вазирони корҳои хориҷии Тоҷикистону Эрон дар Ню-Йорк мулоқот намуданд
Сироҷиддин Муҳриддин бо муовини Дабири кулли СММ мулоқот намуд
Созишнома оид ба бекор кардани талаботи раводид байни Тоҷикистон ва Сейшел ба имзо расид
