Ба ифтихори Рӯзи Қувваҳои Мусаллаҳи Тоҷикистон дар Осорхонаи миллӣ ҳамоиши фарҳангӣ баргузор шуд шуд
ДУШАНБЕ, 21.02.2025 /АМИТ «Ховар»/. Ба ифтихори 32-солагии таъсиси Қувваҳои Мусаллаҳи Ҷумҳурии Тоҷикистон, Осорхонаи миллии Тоҷикистон дар ҳамкорӣ бо Вазорати мудофиаи Ҷумҳурии Тоҷикистон, Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ва Гвардияи миллии Ҷумҳурии Тоҷикистон таҳти унвони «Артиши миллӣ — сипари боэътимоди Ватан» ҳамоиши фарҳангӣ доир намуд, хабар медиҳад АМИТ «Ховар» бо истинод ба Осорхонаи миллӣ.
Бахшида ба таъсиси Қувваҳои Мусаллаҳи Ҷумҳурии Тоҷикистон Осорхонаи миллӣ иқдом гирифтааст, ки аз 17 то 23 феврал 2200 нафар афсарону сарбозонро ба таври ройгон ба тамошои экспозитсия ва чорабиниҳои ҷашнии Осорхонаи миллӣ ҷалб намояд. Ин иқдом ба баланд бардоштани ҳисси ватандӯстии афсарону сарбозон ва шиносоӣ бо таъриху фарҳанги бойи ниёгонамон мусоидат менамояд.
Дар ҳамоиши фарҳангӣ роҳбарият ва намояндагони Осорхонаи миллӣ, Вазорати фарҳанги Тоҷикистон, Иттифоқи нависандагони Тоҷикистон, Вазорати мудофиаи Ҷумҳурии Тоҷикистон, Кумитаи ҳолатҳои фавқулода ва мудофиаи гражданӣ, Гвардияи миллии Ҷумҳурии Тоҷикистон доир ба нақши Артиши миллӣ дар таҳкими пояҳои давлатдорӣ, ҳифзи дастовардҳои Истиқлолияти давлатӣ ва таъмини амнияту осоиштагӣ дар ҷумҳурӣ сухан гуфтанд.
Гуфта шуд, ки Қувваҳои Мусаллаҳи Ҷумҳурии Тоҷикистон соли 1993 бо заҳмату талошҳои Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон дар шароити мушкил таъсис ёфта, аз марҳилаҳои ниҳоят вазнин гузашт. Имрӯз он ба сипари боэътимоди Ватан ва таъминкунандаи амният дар мамлакат мубаддал гаштааст.
АКС: Осорхонаи миллии Тоҷикистон
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
