Дар Москва ҷаласаи Комиссия оид ба масъалаҳои иқтисодии назди Шурои иқтисодии ИДМ доир гардид

ДУШАНБЕ, 20.02.2025 /АМИТ «Ховар»/. 19 феврал дар бинои Кумитаи иҷроияи Иттиҳоди Давлатҳои Мустақил дар шаҳри  Москва ҷаласаи навбатии Комиссия оид ба масъалаҳои иқтисодии назди Шурои иқтисодии Иттиҳоди Давлатҳои Мустақил таҳти раёсати Сафири Ҷумҳурии Тоҷикистон дар Федератсияи Русия, Намояндаи ваколатдори мамлакат дар Комиссия Давлатшоҳ Гулмаҳмадзода баргузор гардид.

Тавре АМИТ «Ховар» бо истинод ба Сафорати Тоҷикистон дар Москва хабар медиҳад, дар зимн тарафҳо беш аз 11 масъалаи рӯзномаи ҷаласаро, ки самтҳои мухталифи равобити бисёрҷонибаи кишварҳои иштирокдори Иттиҳоди Давлатҳои Мустақилро дар соҳаҳои тиҷоратию иқтисодӣ, саноат, кишоварзӣ ва дигар самтҳои мубрами тарафайн танзим менамоянд, баррасӣ карда, нисбат ба онҳо қарорҳои дахлдор қабул намуданд.

АКС: Сафорати Ҷумҳурии Тоҷикистон дар Федератсияи Русия