ИНТИХОБОТИ ВАКИЛОНИ ХАЛҚ-2025. Дар Ишкошим 8 ҳавзаи вилоятӣ, 10 ҳавзаи ноҳиявӣ ва 127 ҳавзаи ҷамоатӣ ташкил карда шудааст

ДУШАНБЕ, 26.02.2024 /АМИТ «Ховар»/. Дар ноҳияи Ишкошим барои баргузории интихоботи вакилони Маҷлиси Олӣ, маҷлисҳои маҳаллии вакилони халқ ва мақомоти худидораи маҳаллии шаҳрак ва деҳоти Ҷумҳурии Тоҷикистон 8 ҳавзаи вилоятӣ, 10 ҳавзаи ноҳиявӣ, 127 ҳавзаи ҷамоатӣ ташкил карда шудааст.  Аз шумораи овоздиҳандагон 286 нафарашон маротибаи  аввал иштирок менамоянд.

Тавре муовини раиси комиссияи ноҳиявии интихобот Санавбар Баҳриев ба хабарнигори минтақавии АМИТ «Ховар» иттилоъ дод, комиссияи интихоботии ноҳияи Ишкошим барои ташкилу баргузории интихоботи вакилони Маҷлиси Олӣ, маҷлисҳои маҳаллии вакилони халқ ва мақомоти худидораи маҳаллии шаҳрак ва деҳоти Ҷумҳурии Тоҷикистон мутобиқи Қонуни Конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон «Дар бораи интихоботи вакилон ба маҷлисҳои маҳаллии вакилони халқ» дар сатҳи зарурӣ омода гардидааст.

Дар айни замон участкаҳои интихоботӣ бо ҳуҷраҳои овоздиҳӣ, хонаи модару кӯдак, варақаҳои тарғиботию ташвиқотӣ оид ба тарзи баргузории маъракаи интихобот, воситаҳои алоқа, таҷҳизоти электронӣ ва дигар маводи зарурӣ таъмин мебошанд.

АКС: АМИТ «Ховар»