НИШАСТИ МАТБУОТӢ. Маркази тадқиқоти стратегии Тоҷикистон бо 26 маркази тадқиқотӣ созишномаи ҳамкорӣ дорад
ДУШАНБЕ, 05.02.2025 /АМИТ «Ховар»/. Маркази тадқиқоти стратегии назди Президенти Ҷумҳурии Тоҷикистон дар айни замон бо 26 маркази тадқиқотӣ созишномаҳо ба имзо расонида, бо якчанд маркази таҳлилӣ ва пажуҳишии дигар давлатҳо, аз ҷумла бо марказҳои таҳқиқоти стратегии Русия, Қазоқистон, Чин, Ҳиндустон, Арабистони Саудӣ, Туркия, Эрон, Узбекистон, Озарбойҷон, Туркманистон ва Кореяи Ҷанубӣ ҳамкории самарабахш дорад, ки ин аз обрӯ ва нуфузи ин ниҳод дарак медиҳад. Дар ин хусус имрӯз зимни нишасти матбуотӣ Директори Маркази тадқиқоти стратегӣ Хайриддин Усмонзода иттилоъ дод.
Ба иттилои Хайриддин Усмонзода, пешбурди робитаҳои илмию таҳқиқотӣ бо марказҳои зеҳнии дигар давлатҳо авлавияти асосӣ дар фаъолияти ин ниҳоди муҳими давлатии Тоҷикистон ба ҳисоб меравад. «Соли 2024 Маркази тадқиқоти стратегӣ бо ниҳодҳои таҳлилии Институти сиёсат ва муносибатҳои байналмилалии Донишгоҳи Ланжоу, Институти илмӣ-таҳқиқотӣ-иқтисодии Вазорати иқтисоди Ҷумҳурии Озарбойҷон ва Ассамблеяи парлумонии Созмони Аҳдномаи амнияти дастҷамъӣ Ёддошти тафоҳуми ҳамкорӣ ба имзо расонид»,-гуфт Хайриддин Усмонзода.
Иброз гардид, ки ҳамкорӣ бо созмонҳои байналмилалӣ барои тарғибу тавзеҳи мавқеи сиёсати давлатии давлатамон аз ҷониби коршиносон доир ба масъалаҳои рӯзмарра ва ҷолиби тарафайни кишварҳо дар фаъолияти марказ муҳим арзёбӣ мегардад. Маркази тадқиқоти стратегии назди Президенти Ҷумҳурии Тоҷикистон аъзои Маркази таҳлилии Созмони Аҳдномаи амнияти дастҷамъӣ, Форуми Созмони ҳамкории Шанхай, Форуми марказҳои стратегии Осиёи Марказӣ, Маркази Созмони Милали Муттаҳид доир ба дипломатияи боздоранда дар Ашқобод, Форуми марказҳои стратегии Осиёи Марказӣ ва Чин, Форуми марказҳои стратегии Осиёи Марказӣ ва Кореяи Ҷанубӣ мебошад.
Ҳамзамон иттилоъ дода шуд, ки соли 2024 барои омодасозӣ ва баланд бардоштани сатҳи тахассусии кормандон роҳбарияти марказ аз тамоми имконият истифода бурда, шароити хуб муҳайё намуд, то онҳо ба таври пайваста сатҳи илмию тахассусии худро дар берун ва дохилӣ мамлакат такмил диҳанд.
Хайриддин Усмонзода изҳор намуд, ки дар робита ба омодасозии кадрҳои баландихтисос ва ҷавобгӯ ба замони имрӯза 4 корманд дар дохил ва 3 нафар дар Ҷумҳурии Мардумии Чин ба бозомӯзӣ ва баланд бардоштани касбият фаро гирифта шуданд. «Бештари кормандони Маркази тадқиқоти стратегӣ аз ҳисоби ҷавонон донандагони забонҳои хориҷӣ мебошанд. Дар марказ даври доимамалкунандаи омӯзиши забони англисӣ ташкил карда шудааст.
Шаҳлои САДРИДДИН,
АМИТ «Ховар»
АКС: АМИТ «Ховар»
Байни Тоҷикистон ва Узбекистон дар самти ҷавонон якчанд созишнома оид ба татбиқи лоиҳаҳои муштарак ба имзо расид
Иштирокдорони Фестивали дуюми ҷаҳонии «Наврӯзи ҷавонон» бо фаъолияти Агентии обуҳавошиносӣ шинос гардиданд
РУШДИ ҲУНАРҲОИ МАРДУМӢ. Сабадбофӣ барои рушди иқтисод ва сайёҳӣ имкон фароҳам меорад
200 зани ҳунарманд ва соҳибкори Тоҷикистон соҳиби гранти президентӣ мегардад
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
Ҷашни Наврӯз дар Агентии суғуртаи иҷтимоӣ ва нафақа таҷлил карда шуд
ГИЁҲҲОИ БАҲОРӢ. Истеъмоли ин растаниҳо дар бадани инсон ба сифати маводи зиддисироятӣ хизмат менамояд
Дар доираи дуюмин Фестивали ҷаҳонии ҷавонон барномаи фарҳангии «Шоми дӯстӣ» баргузор гардид
Дар Тоҷикистон Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ идома дорад
Сокинони ноҳияи Мастчоҳ ҷашни Наврӯзро бо тантана истиқбол гирифтанд
23 МАРТ — РӮЗИ ҶАҲОНИИ ОБУҲАВОШИНОСӢ. Ҳавошиносони Тоҷикистон барои пешгӯии боду ҳаво аз моделҳои пешрафта истифода мебаранд
Эмомалӣ Раҳмон: «Сиву панҷ сол барои таърих лаҳзаест, вале барои миллати тоҷик давраи сарнавиштсоз ба ҳисоб меравад»
