НИШАСТИ МАТБУОТӢ. Соли 2024 аз рӯйи 50 касбу ҳунар 12 ҳазор нафар соҳиби касб гардид
ДУШАНБЕ, 04.02.2025 /АМИТ «Ховар»/. Тибқи дурнамои «Барномаи касбомӯзии шаҳрвандони Ҷумҳурии Тоҷикистон барои солҳои 2021-2025» ҳамасола дар муассисаҳои таълимии таҳсилоти ибтидоии касбӣ шумораи ҳарчи бештари шаҳрвандон ба касбомӯзӣ фаро гирифта мешаванд. Соли 2024 12 ҳазор шаҳрванд аз рӯйи 50 касбу ҳунар, аз ҷумла қаннодӣ, дӯзандагӣ, ронандагӣ, ҳисобдорӣ, истифодабарандаи компютер, кафшергари газию барқӣ, устои барқ ва ғайраҳо машғулияти кӯтоҳмуддатро хатм намуданд, ки 1484 нафарашон духтарон мебошанд. Дар ин хусус имрӯз зимни нишасти матбуотӣ Раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон Фарҳод Раҳимӣ иттилоъ дод.
Дар ин давра дар самти таъмини татбиқи натиҷабахши «Стратегияи Ҷумҳурии Тоҷикистон дар соҳаи илм, технология ва инноватсия барои давраи то соли 2030» ва ислоҳи камбудиҳои ҷойдошта аз тарафи кумита «Барномаи давлатии рушди муассисаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2025-2030» таҳия гардида, барои баррасӣ ба Ҳукумати Ҷумҳурии Тоҷикистон пешниҳод карда шуд.
Бо амалишавии барнома таҳкими заминаҳои моддию техникии муассисаҳои таълимии таҳсилоти ибтидоӣ ва миёнаи касбӣ, таҷҳизонидани озмоишгоҳу лабораторияҳо, синфхонаҳои фаннию устохонаҳои таълимӣ ташкил гардида, ин раванд дар ҳама муассисаҳо марҳила ба марҳила амалӣ мегардад.
Соли 2024 73 номгӯй китобҳои дарсӣ таҳия гардида, аз ин шумора 50 номгӯй китобҳо нашр шуда, барои истифода ба муассисаҳои таълимӣ пешниҳод шуданд.
Ҳамзамон Стандарти салоҳият ва барномаҳои таълимии модулии 31 касбу ихтисос таҳия ва ба тавсиб расонида шуда, ба муассисаҳои таълимии таҳсилоти ибтидоии касбӣ фиристода шуд. Бо мақсади беҳтар кардани сифати таҳсил дар 36 муассисаи таҳсилоти миёнаи касбии равияи тиббӣ аз рӯйи 13 ихтисос дар заминаи синфҳои 9 ва 11 нақшаи таълимӣ, инчунин 70 нақшаи таълимии равияҳои техникӣ ва технологӣ ҷавобгӯ ба талаботи стандартҳои ҷаҳонии таҳсил таҳия гардида, мавриди истифода қарор дода шуд.
Дар айни замон нақшаҳои таълимии равияҳои фарҳанг ва санъат аз рӯйи 24 ихтисос мавриди таҳлилу корбарӣ қарор доранд.
АКС: АМИТ «Ховар»
ОГОҲӢ! Аз 21 то 25 май дар Тоҷикистон хатари сар задани сел ва баландшавии сатҳи оби дарёҳо пешгӯӣ карда мешавад
Дар Душанбе ҳамкории Тоҷикистону Корея дар соҳаҳои гуногун баррасӣ гардид
МАВСИМИ ОББОЗӢ ФАРО МЕРАСАД. Қоидаҳои шиновариро риоя кунед!
Гиромидошти хотираи неки фарзандони фидокор ва сарсупурдаи миллат ҷузъи сиёсати Ҳукумати Тоҷикистон аст
«МАН ЧӢ ГӮЯМ ВАСФИ ИН ОЛИҶАНОБ…». Андешае дар ҳошияи ташаббуси наҷиби Пешвои миллат оид ба эҳёи хотираи таърихӣ ва бозгашти хоки рамзии фарзандони бузурги тоҷик ба оғӯши Ватан
РАВАНДИ ОБИ ДУШАНБЕ. Форуми байналмилалии «Занон ва об» баргузор мешавад
Дар шаҳри Кӯлоб маросими супоридани хок аз қабри Николай Томин ба ҳайати Федератсияи Русия баргузор гардид
Дар Тоҷикистон нахустин маротиба паёмҳои Президенти Тоҷикистон дар шакли китоби алоҳида муназзам гардонида шуданд
Аз зиндагӣ ва корномаи фарзандони номдори миллат — Нусратулло Махсум, Шириншо Шоҳтемур ва Нисор Муҳаммад
Маросими ҷаноза ва дар оромгоҳи Лучоби шаҳри Душанбе гузоштани қисмате аз хоки гӯри шахсиятҳои таърихиву ҷонфидои миллат
Беш аз 21 ҳазор ҷавонон дар баланд бардоштани маърифати санитарии аҳолии Тоҷикистон саҳм мегузоранд
