НИШАСТИ МАТБУОТӢ. Вазорати адлия соли 2025 Платформаи нави Сабти асноди ҳолати шаҳрвандиро ба истифода медиҳад
ДУШАНБЕ, 13.02.2025 /АМИТ «Ховар»/. Вазорати адлияи Ҷумҳурии Тоҷикистон бо дастгирии шарикони рушд платформаи нави Сабти асноди ҳолати шаҳрвандиро таҳия дорад, ки тибқи нақша соли 2025 ба истифода дода мешавад. Плафтормаи нав ба шаҳрвандон имконият медиҳад, ки аз хизматрасонии давлатӣ ба таври фосилавӣ — онлайн истифода баранд. Яъне, аризаю дархостҳоро барои гирифтани хизматрасонии давлатӣ ба тариқи онлайн ирсол намоянд. Дар ин хусус имрӯз зимни нишасти матбуотӣ муовини якуми Вазири адлияи Ҷумҳурии Тоҷикистон Нигина Ализода дар посух ба суоли мухбири АМИТ «Ховар» иттилоъ дод.
Ба андешаи Нигина Ализода, дар айни замон дар якҷоягӣ бо шарикони рушд кор барои ба анҷом расонидан ва шуруъ намудани платформаи САҲШ-2 идома дорад.
«Тибқи ин платформа байни Вазорати тандурустӣ ва ҳифзи иҷтимоии аҳолӣ, Вазорати адлия ва Агентии инноватсия ва технологияҳои нав мубодилаи маълумот доир мешавад. Дар назар аст, ки сабти бақайдгирии давлатии ҳолати шаҳрвандӣ, бақайдгирии таваллуд ва вафот дар ин платформа ба тариқи онлайн ба қайд гирифта мешавад. Яъне платформаи нав имконият медиҳад, ки додугирифти маълумот бо вазорату идораҳо дар реҷаи онлайнӣ анҷом дода шавад»,-афзуд ӯ.
Ҳамзамон иттилоъ дода шуд, ки аз соли 2020 инҷониб коргузорӣ дар мақомоти Сабти асноди шаҳрвандӣ тавассути низоми электронӣ амалӣ шуда, ҳамаи сабтҳо ба тариқи рақамӣ тартиб дода мешаванд. Таъкид гардид, ки бо дастгирии шарикони рушд то охири соли 2025 бояд ҳадди ақалл 1 миллиону 350 ҳазор сабти бойгонӣ ба шакли рақамӣ гузаронида шавад, ки ҳоло ин рақам ба 200 ҳазор расидааст.
Аз соли 1935 дар бойгонӣ маълумот вуҷуд дорад, ки бояд ҳамаи он ба шакли рақамӣ гузаронида шавад.
Вобаста ба гузариш ба Ҳукумати электронӣ ва пардохтҳои ғайринақдӣ иброз гардид, ки шуруъ аз 10 июли соли 2024 ҳамаи хизматрасониҳо ба тариқи ғайринақдӣ тавассути низоми пардохти ҳушманд «smart pay» амалӣ карда мешаванд.
«Дар тамоми сохторҳои Вазорати адлияи Тоҷикистон барои амалисозии низоми ҳушманд таҷҳизоти зарурӣ пайваст гардидаанд. Агар соли 2023 19 пос-терминал хизмат мерасонид, ҳоло ин шумора ба беш аз 161 адад расидааст»,-иттилоъ дода шуд зимни нишасти матбуотӣ.
Шаҳлои САДРИДДИН,
АМИТ «Ховар»
АКС: АМИТ «Ховар»
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
Дар фасли тирамоҳ бемориҳои сироятии мавсимӣ зиёд мешаванд
«БЕҲТАРИН ҲАМСАР». Даври якуми озмуни ҷумҳуриявӣ дар ҷамоатҳо, деҳот ва маҳаллаҳо оғоз шуд
Дар пиряхи Тоҷикистон экспедитсияи байналмилалӣ оид ба навсозии стансияи баландкӯҳи Горбунов гузаронида шуд
МАҚОМИ ЗАН ДАР ДАВРОНИ ИСТИҚЛОЛ. Давоми сеюним даҳсола мавқеъ ва мақоми зан дар ҷомеа ба куллӣ тағйир ёфт
