Ғолибони даври сенздаҳуми Суперлигаи Тоҷикистон оид ба футзал муайян шуданд
ДУШАНБЕ, 04.02.2025 /АМИТ «Ховар»/. Дастаи футзали «Соро компания»-и шаҳри Душанбе, ки дар даври сенздаҳуми Суперлигаи футзали Тоҷикистон дастаи «Истиқлол»-и шаҳри Душанберо бо ҳисоби 2:0 шикаст дод, дар ҷадвали мусобиқа мавқеи пешсафиашро мустаҳкам кард. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Дар бозии дигари даври сенздаҳум дастаи футзали «Амонатбонк»-и шаҳри Душанбе дар меҳмонӣ аз дастаи «Истаравшан»-и шаҳри Истаравшан бо ҳисоби 3:7 шикаст хӯрд. Дастаи футзали «Сипар»-и шаҳри Хуҷанд дар майдони худ дастаи «Пойтахт»-и Душанберо бо ҳисоби калони 12:1 мағлуб кард. Дастаи футзали «Сомон»-и шаҳри Душанбе бар дастаи меҳмон — «Регар»-и шаҳри Турсунзода бо ҳисоби калони 9:1 пирӯз шуд.
Пас аз ҷамъбасти сездаҳ даври мусобиқа дастаи футзали «Соро компания»-и шаҳри Душанбе зери роҳбарии сармураббӣ Пайрав Воҳидов бо 33 имтиёз дар ҷадвал дар ҷойи аввал аст. Дастаи футзали «Амонатбонк»-и шаҳри Душанбе, ки як бозӣ камтар кардааст, бо 27 имтиёз ҷойи дуюмро касб намуд. Дастаҳои футзали «Истаравшан»-и шаҳри Истравшан ва «Истиқлол»-и шаҳри Душанбе бо 23-имтиёзӣ мутаносибан дар зинаҳои сеюму чаҳорум қарор доранд.
Ёдовар мешавем, ки бозиҳои даври чордаҳуми Суперлигаи футзали Тоҷикистон 8-9 феврали соли 2025 баргузор мешаванд. Рӯзи шанбе дастаҳои футзали «Хуҷанд»-и шаҳри Хуҷанд бо «Истаравшан»-и шаҳри Истаравшан, «Амонатбонк»-и шаҳри Душанбе бо «Сомон»-и шаҳри Душанбе, рӯзи якшанбе дастаҳои футзали «Соро компания»-и шаҳри Душанбе бо «Сипар»-и шаҳри Душанбе ва «Регар»-и шаҳри Турсунзода бо «Истиқлол»-и шаҳри Душанбе байни ҳам бозӣ мекунанд.
Хотиррасон мекунем, ки Чемпионати футзали Тоҷикистон, ки бо иштироки нуҳ даста 19 октябри соли 2024 оғоз ёфта буд, то 9 марти соли 2025 идома меёбад.
АКС: Федератсияи футболи Тоҷикистон








Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод






