Тақвияти ҳамкорӣ байни Тоҷикистон ва Конфедератсияи Швейтсария баррасӣ шуд

ДУШАНБЕ, 20.02.2025 /АМИТ «Ховар»/. 18 феврал Сафири Фавқулода ва Мухтори Ҷумҳурии Тоҷикистон дар Конфедератсияи Швейтсария, Намояндаи доимии Ҷумҳурии Тоҷикистон дар назди Шуъбаи Созмони Милали Муттаҳид ва дигар ташкилоти байналмилалӣ дар Женева Шараф Шерализода бо Сафир/Мудири Шуъбаи авруосиёии Департаменти федералӣ оид ба корҳои хориҷии Конфедератсияи Швейтсария Мулиел Пеневейре мулоқот намуд.

Тавре АМИТ «Ховар» бо истинод ба Сафорати Ҷумҳурии Тоҷикистон дар Конфедератсияи Швейтсария хабар медиҳад, зимни мулоқот ҷонибҳо масъалаҳоро оид ба тақвияти ҳамкории гуногунсамтаи дуҷониба ва бисёрҷониба байни Ҷумҳурии Тоҷикистон ва Конфедератсияи Швейтсария мавриди баррасӣ қарор доданд.

Инчунин 18 феврал Шараф Шерализода бо Сардори Маркази истиқболи байналмилалии шаҳри Берн Ребекка Гфеллер мулоқот намуд.

Зимни мулоқот ҷонибҳо масъалаҳоро оид ба татбиқи ҳамкории  Сафорати Тоҷикистон дар Швейтсария бо Маркази истиқболи байналмилалии шаҳри Берн, бахусус муаррифии имконияти таърихию фарҳангӣ ва сайёҳӣ мавриди баррасӣ қарор доданд.

АКС: Сафорати Тоҷикистон дар Швейтсария