Ҳамкории Тоҷикистон ва Эрон дар самти сайёҳии саноатӣ баррасӣ гардид
ДУШАНБЕ, 13.02.2025. /АМИТ «Ховар»/. Ҳамкорӣ дар самти сайёҳии саноатӣ, аз ҷумла истеҳсолу фурӯши армуғонҳои сайёҳӣ бо унсурҳои миллӣ дар вохӯрии Раиси Кумитаи рушди сайёҳии назди Ҳукумати Ҷумҳурии Тоҷикистон Ҷамшед Ҷумъахонзода бо Раиси минтақаи озоди иқтисодии ҷазираи Киши Ҷумҳурии Исломии Эрон Муҳаммадҷаъфари Кабирӣ баррасӣ гардид. Дар ин хусус ба АМИТ «Ховар» аз Кумитаи рушди сайёҳии назди Ҳукумати Ҷумҳурии Тоҷикистон хабар доданд.
Зимни вохӯрӣ Ҷамшед Ҷумъахонзода иброз дошт, ки бо сиёсати дарҳои кушоди Ҳукумати Ҷумҳурии Тоҷикистон ва дар доираи сиёсати хирадмандонаи Президенти Тоҷикистон муҳтарам Эмомалӣ Раҳмон муносибатҳо дар самти сайёҳӣ бо Ҷумҳурии Исломии Эрон дар ҳоли рушд қарор доранд.
Ин ҳамкорӣ барои боз ҳам мустаҳкам намудани робитаҳо доир ба ҳама намудҳои сайёҳӣ байни ду давлати ҳамзабону ҳамфарҳанг, ҷалби сармоягузорони эронӣ ба соҳаи сайёҳӣ ва зиёд намудани ҷаҳонгардон аз ҳарду ҷониб заминаи мусоид мегузорад.
Ёдовар мешавем, ки вохӯрии ҷонибҳо дар доираи Намоишгоҳи байналмилалии сайёҳӣ ва саноатии Теҳрон «Tehran International Tourism and Related Industries Exhibition», ки то 14 феврали соли равон дар шаҳри Теҳрон баргузор мегардад, доир шуд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Имконияту иқтидори сайёҳии шаҳри Душанбе дар Ҷумҳурии Мардумии Чин муаррифӣ мегардад
АЗ ВОДИИ РАШТ ТО ИСКАНДАРКӮЛ. Хатсайрҳои сайёҳии дохилӣ ба минтақаҳои сайёҳии Тоҷикистон анҷом ёфтанд
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
ВОДИИ ЯҒНОБ- ОСОРХОНАИ ЗИНДАИ ЭТНОГРАФӢ. Ин мавзеъ таваҷҷуҳи сайёҳонро зиёдтар ҷалб менамояд
Президенти Тоҷикистон: «Вилояти Мухтори Кӯҳистони Бадахшон бо мардуми меҳмоннавоз ва имконоти васеи сайёҳӣ маҳбубияти зиёд дорад»
МАНЗАРАҲОИ ҶОЛИБИ ТОҶИКИСТОН — САРВАТИ БУЗУРГИ САЙЁҲӢ. Эҳдо ба Рӯзи ҷаҳонии сайёҳӣ
27 СЕНТЯБР — РӮЗИ ҶАҲОНИИ САЙЁҲӢ. Дар Тоҷикистон барои рушди сайёҳии дохилию байналмилалӣ тадбирҳои муассир андешида мешаванд
РУШДИ СОҲАИ САЙЁҲӢ. Хостел ва мотел аз ҳамдигар чӣ фарқ доранд?
Дар Намоишгоҳи байналмилалии сайёҳии Душанбе – 2026 зиёда аз 115 ширкату ташкилот иштирок доранд
