Бахшида ба Рӯзи Модар ҳамоиши занони соҳаи таҳсилоти ибтидоӣ ва миёнаи касбӣ баргузор шуд
ДУШАНБЕ, 07.03.2025 /АМИТ «Ховар»/. Занони мо бо вуҷуди он ки ба парасторию тарбияи фарзанд машғул мебошанд, бо омӯхтани илму дониш ва соҳибкасб шудан дар соҳаҳои гуногун фаъолият намуда, дар рушди Тоҷикистон саҳми арзанда мегузоранд. Имрӯз дар соҳаҳои гуногуни хоҷагии халқи мамлакат, аз ҷумла соҳаи таҳсилоти касбӣ занон муваффақона фаъолият намуда, дастовардҳои назаррас доранд. Ин матлабро Раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон Фарҳод Раҳимӣ 6 март зимни ҳамоиш ба ифтихори Рӯзи Модар баён намуд.
Тавре ба АМИТ «Ховар» аз ин кумита хабар доданд, дар ҳамоиш аз нақш ва мақоми Зан-Модар дар тарбияю пешрафти ҷомеа ва рушди соҳаҳои гуногуни иқтисодиёти ҷумҳурӣ ёдоварӣ гардид. Иброз гардид, ки дар фарҳангу тамаддун ва анъанаву суннатҳои халқу миллатҳои гуногуни ҷаҳон хираду заковат ва бузургии Модар ҳамчун олиҳаи покию садоқат, нигаҳдорандаи чароғи хонадон, мураббии ғамхору меҳрубон ва ҳидоятгари некию накӯкорӣ бо меҳру муҳаббат арҷгузорӣ ва ситоиш ёфтааст.
«Зани тоҷик ҳамеша хоҳони сулҳу ваҳдат, ободӣ ва оромии диёр буда, ин рисолат роҳнамои рӯзгори занони мо аст. Бинобар ин, мо, масъулини соҳаи таҳсилоти ибтидоӣ ва миёнаи касбӣ бояд ба он муваффақ шавем, ки кулли занон худогоҳу бомаърифат бошанд»,-таъкид шуд дар ҷамъомад.
Дар идома як зумра занону духтарони фаъоли кумита ва роҳбарони муассисаҳои таҳсилоти ибтидоӣ ва миёнаи касбӣ барои саҳмгузорӣ дар рушди таълиму тарбияи насли наврас ва дастовардҳои шоиста дар раванди фаъолият бо унвони «Аълочии таҳсилоти ибтидоӣ ва миёнаи касбӣ», Сипосномаи кумита ва туҳфаҳои хотиравӣ сарфароз гардонида шуданд.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
Дар Кумита оид ба таҳсилоти ибтидоӣ ва миёнаи касбӣ Рӯзи Ваҳдати миллиро ҷашн гирифтанд
Дар фурудгоҳҳои Тоҷикистон оид ба муҳоҷирати меҳнатӣ корҳои фаҳмондадиҳӣ гузаронида мешаванд
Кумитаи Иҷроияи Марказии ҲХДТ бахшида ба Рӯзи Ваҳдати миллӣ ҳамоиши сиёсӣ баргузор намуд
