Дар Сафорати Ҷумҳурии Тоҷикистон дар Федератсияи Русия Рӯзи Модар ҷашн гирифта шуд
ДУШАНБЕ, 07.03.2025. /АМИТ «Ховар»/. 6 март бо ибтикори Сафорати Ҷумҳурии Тоҷикистон дар Федератсияи Русия ва Шурои ҷамъиятии назди Сафорат бахшида ба Рӯзи Модар ҳамоиши ҷашнӣ баргузор гардид. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Федератсияи Русия хабар медиҳад.
Зимни ҳамоиш Роҳбари намояндагии дипломатӣ Давлатшоҳ Гулмаҳмадзода иброз дошт, ки Президенти Ҷумҳурии Тоҷикистон муҳтарам Эмомалӣ Раҳмон ҳанӯз соли 2009 ба ин ҷашни муборак шукуҳу шаҳомати тоза бахшида, онро Рӯзи Модар эълон намуданд. Аз ҳамон сол инҷониб 8 март дар Тоҷикистон маъною ҳикмате фаротар аз як ҷашнро гирифта, ба муқаддасоти ҳар фарду хонаводаи ҳаммеҳанони мо табдил ёфт, ки бе баҳс, дар тарбияи ҷомеа нақши муассир мебозад.
Иброз шуд, ки саҳми занони тоҷик дар рушду шукуфоии Ватани азизамон бисёр муҳим ва бузург буда, махсусан дар низоми роҳбарикунанда ва бахшҳои сиёсию иҷтимоии ҳузури фаъоли онҳо эҳсос мешавад.
«Зан — Модар рисолати зебоӣ ва эҳсоси гарму ҷонбахш дошта, тамоми зебоиҳо, покизагӣ, фатҳу кушоиш ва меҳру муҳаббат аз дастони муъҷизакораш оғоз мегардад. Аз ин бармеояд, ки Рӯзи Модар муборактарин рӯз аст ва хизмати фарзанд дар муқоиса бо ранҷу заҳматҳои модар фақат қатрае аз баҳрро мемонад», — гуфта шуд дар ҳамоиш.
АКС: Сафорати Ҷумҳурии Тоҷикистон дар Федератсияи Русия
РАВАНДИ ОБИ ДУШАНБЕ. Тоҷикистон барои пешбурди рӯзномаи ҷаҳонии об тамоми кӯшишҳоро ба харҷ медиҳад
Мудири Барномаи рушди Созмони Милали Муттаҳид ба Конфронси 4-уми оби Душанбе даъват шуд
Дар Ню-Йорк нақши ташаббусҳои Тоҷикистон дар платформаҳои сиёсии ҷаҳонӣ баррасӣ гардид
Сафири Тоҷикистон бо муовини Вазири корҳои хориҷии Миср мулоқот намуд
Муовини Сарвазири Тоҷикистон дар Форуми ҷаҳонии парасторон дар шаҳри Мадрид иштирок намуд
Дар Душанбе рушди муносибатҳои дуҷонибаи Тоҷикистону Чин баррасӣ гардид
Намояндаи Тоҷикистон бо Раиси Шурои иқтисодӣ ва иҷтимоии Созмони Милали Муттаҳид мулоқот намуд
Дар Душанбе ҷаласаи Комиссияи миллии Ҷумҳурии Тоҷикистон оид ба корҳои ЮНЕСКО баргузор гардид
Масъалаҳои афзалиятноки ҳамкории Тоҷикистону Олмон дар соҳаи иқтисод баррасӣ гардиданд
Дар Анқара рушди ҳамкории иқтисодию тиҷоратии Тоҷикистон ва Туркия баррасӣ гардид
Ҷаласаи раёсати Комиссияи миллии Ҷумҳурии Тоҷикистон оид ба корҳои ЮНЕСКО оғоз гардид
Дар Душанбе ҳамкории Тоҷикистон ва Иёлоти Муттаҳидаи Амрико баррасӣ гардид
