Дар шаҳри Хуҷанд Мусобиқаи байналмилалии дӯстонаи варзишӣ оид ба теннис идома дорад
ДУШАНБЕ, 17.03.2025. /АМИТ «Ховар»/. Дар шаҳри Хуҷанди вилояти Суғд Мусобиқаи байналмилалии дӯстонаи варзишӣ оид ба теннис идома дорад. Дар ин мусобиқа варзишгарон аз ҷумҳуриҳои Тоҷикистон, Узбекистон ва Қирғизистон иштирок доранд. Дар ин хусус ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Мусобиқа ба муносибати ҷашни байналмилалии Наврӯз баргузор шуда, ҳадафи он таҳкими дӯстӣ ва ҳамкории варзишӣ байни давлатҳои ҳамсоя мебошад.
Мусобиқа 15 март оғоз гардида, дар он теннисбозони беҳтарин барои дарёфти ҷоизаҳо то 19 март рақобат менамоянд.
Бояд гуфт, ки теннис яке аз намудҳои шуҳратёфтаи варзишӣ буда, аз асрҳои гузашта то ҳол рушду пешравии зиёд дорад. Теннис варзиши шавқовар буда, ба саломатӣ, бахусус системаи дилу рагҳо таъсири хуб мерасонад.
Теннис ба инкишофи ҷисмонӣ, беҳтар гардидани саломатӣ ва истироҳати хуб мусоидат менамояд. Ба он дар ҳамаи синну сол ва дар тамоми фаслҳо бозӣ кардан мумкин аст. Аввалин қоидаҳои тенниси имрӯзаро соли 1873 Уолтер Уингфилд ном англис мураттаб сохта буд. Дар бозӣ аз ду тараф яккасӣ ё дукасӣ- мардон ё занон иштирок мекунанд.
Ба туфайли ҳаракатҳои фаъоле, ки ҳангоми бозӣ тағйир меёбанд (давидан, ҷаҳидан, задани тӯб, истодан) фишори хун муътадил шуда, кори дил мустаҳкам мегардад.
Бозии теннис барои беҳтар кардани кори чашм низ воситаи асосӣ ба ҳисоб меравад.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
РАВАНДИ ОБИ ДУШАНБЕ. Моҳи май дар пойтахти Тоҷикистон Фестивали об баргузор мешавад
Оид ба масъалаҳои мубрами филологияи Шарқ ва робитаҳои адабӣ конференсияи байналмилалӣ доир шуд
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
