МАСЛИҲАТИ МУТАХАССИС. Истеъмоли занбурӯғ раванди пиршавиро ба таъхир андохта, ба ҷавону зебо мондан мусоидат менамояд

Март 9, 2025 13:30

ДУШАНБЕ, 09.03.2025. /АМИТ «Ховар»/. Занбурӯғ таъму бӯи хуш ва моддаҳои серғизо — витаминҳои А, В, Д, РР, С дошта, аз ин рӯ чун маҳсулоти хӯрокворӣ маъмул гардидааст. Инчунин дар таркиби он пайвастҳои фосфор, сулфур, калий, хлор, руҳ, мис, хром, оҳан ва дигар микроэлементҳо мавҷуд буда, аз 2,8 то 5 фоиз сафедаҳои зудҳазм дорад. Маҳз барои ҳамин онро «гӯшти ҷангалӣ» ё «гӯшти растанӣ» меноманд.

Яке аз сабабҳое, ки занбурӯғро бояд бештар истеъмол кард, он аст, ки занбурӯғ дорои полиаминҳо, яъне моддаҳое мебошад, ки боиси дарозумрии инсон мегарданд. Тавре ташхису таҳқиқот нишон додаанд, дар ҷисми нафарони дарозумр миқдори зиёди полиаминҳо вуҷуд дорад.

Занбурӯғҳо ба таври гетеротрофӣ, яъне аз ҳисоби моддаҳои органикии бофтаҳои растанию ҳайвонот ғизо мегиранд. Моддаҳои равғани липоидҳо ва фосфоридҳои таркиби он зудҳазм мебошанд. Қанди таркиби занбурӯғ (глюкоза) онро серғизо ва ширин менамояд. Барои инсон таомҳои занбурӯғӣ фоидаи калон доранд. Аммо шахсоне, ки ба касалии ҷигар ва меъдаю рӯда гирифторанд, бояд аз истеъмоли таомҳои занбурӯғӣ худдорӣ намоянд.

Дар асари Абӯалӣ ибни Сино «Ал-Қонун» дар бораи занбурӯғ ҳамчун ғизо ва воситаи табобат маълумоти зиёди муҳим оварда шудааст.

Тибқи таҳқиқоти мутахассисон, занбурӯғ ғадуди шириро пешгирӣ менамояд. Дар таркиби тамоми намудҳои занбурӯғ сафеда ва антиоксидантҳои зиёде мавҷуд ҳастанд, ки системаи муҳофизатии организмро пурқувват мегардонанд. Занбурӯғ раванди пиршавии организмро ба таъхир андохта, ба ҷавону зебо мондани шахс мусоидат менамояд. Ба ғайр аз ин, дар таркиби занбурӯғ витамини D мавҷуд мебошад, ки дар айёми тирамоҳ ва зимистон барои организми инсон муфид мебошад.

Дар таркиби занбурӯғҳо витамини D мавҷуд аст, ки мубодилаи калсий ва фосфорро дар бадани инсон танзим намуда, инчунин ба системаи масуният таъсири мусбат мерасонад. Ин витамин махсусан дар давраи тирамоҳу зимистон намерасад.

Нахи дар занбурӯғ мавҷудбуда ба нигоҳ доштани меъёри қанди хун мусоидат намуда, хатари инкишофи диабети навъи дуюмро коҳиш медиҳад.

Дар ҷаҳон якуним миллион намуди занбурӯғ мавҷуд мебошад. Онҳо дар ҳамаи минтақаҳои Замин ҷойгиранд ва дар ҷойҳои хеле намнок мерӯянд. Ҳангоми истеъмоли занбурӯғ одамоне, ки дар бораи навъҳои он маълумоти кофӣ надоранд, бояд бештар эҳтиёткор бошанд. Зеро сатҳи заҳролудшавӣ аз баъзе намудҳои занбурӯғҳо баланд аст.

Таҳияи Зарангези ЛАТИФ,
АМИТ «Ховар»

АКС аз манбаъҳои боз

Март 9, 2025 13:30

Хабарҳои дигари ин бахш

Гандум муҳимтарин захираи хӯрокворӣ ва ашёи саноати хӯрокворӣ аст
РАМЗҲОИ ЗООМОРФӢ ДАР РАСМУ ОИНҲОИ НАВРӮЗӢ. Лаклак аввалин муждарасони баҳор ба шумор меравад
Гузоштани тоқӣ дар сар яке аз анъанаҳои ҷашни Наврӯз аст
«РАСМИ ХУБИ ТОҶИКОНРО ГУМ МАКУН!». Миллати тоҷик имрӯз дар ҳавои муҳаббату дӯстӣ ва амнияти миллӣ сарбаландона зиндагӣ дорад
Оростани хони наврӯзӣ бо рамзҳои «Ҳафтсин» ва «Ҳафтшин» нишони файзу баракат ва фардои дурахшон ҳисобида мешавад
МАСЛИҲАТИ МУТАХАССИС. Сиёҳалафро барои муолиҷаи бемориҳои рӯда ва захми меъда истифода мебаранд
Ҷашни Наврӯз ҳикмати бузурги фалсафаи зиндагӣ ва сарнавишти мардуми тоҷик аст
Наврӯз аз маҳбубтарин ҷашнҳои таърихӣ ва фарҳангии миллати тоҷик мебошад
«ТОҶИКИСТОН ВАТАНИ НАВРӮЗ АСТ». Дар вилояти Хатлон ҷашни Наврӯз бо анъанаҳои хос таҷлил мегардад
24 март — Рӯзи гул ва ниҳолшинонӣ. То соли 2040 дар Тоҷикистон беш аз 2 миллиард бех ниҳол шинонида мешавад
Муҳиба Маҳмадҷонова: «Наврӯз бо рамз ва хусусияти худ муттаҳидгари ҷомеа ва тамаддунҳо аст»
Истеъмоли ҷаъфарӣ қанди хунро муътадил нигоҳ дошта, барои беморони тарбод ва зардпарвин фоида дорад