МАСЛИҲАТИ МУТАХАССИС. Шибит даво бар зидди бемории саратон мебошад
ДУШАНБЕ, 16.03.2025 /АМИТ «Ховар»/. Истеъмоли шибит дар ҳолати тару тоза, хушк ва тухми он ғализиҳои меъдаро тоза намуда, дарди пуштро шифо мебахшад. Барги тоза, хушк ва ё тухми шибитро дар об ҷӯшонида, он обро бинӯшанд, дарди гурдаю таскин бахшида, пешобро равон мекунад ва ҷигари заифро ба ислоҳ меоварад. Чунин тавсия медиҳанд мутахассисони соҳаи тиб.
Мизоҷи шибит дар дараҷаи дуюм гарм ва хушк аст. Он аз витаминҳо, антиоксидантҳо ва нахҳо бой мебошад. Таркиби ин растанӣ аз флавоноидҳо, каротиноидҳо ва дигар антиоксидантҳо бой аст, ки истеъмоли он организмро аз таъсири зараровари радикалҳои озод муҳофизат намуда, пиршавии бармаҳалро пешгирӣ менамояд. Инчунин бо илтиҳоб мубориза бурда, таъсири зиддисаратонӣ дорад.
Дар тибби қадим занон барои давои дарди шиками фарзандон аз тухми шибит истифода мебурданд.
Дар китоби «Канзи шифо» чунин омадааст: «Онро хоҳ дар ошҳо ва хоҳ бо дигар таомҳо бихӯранд, варамҳои дохилиро мегардонад ва ё мепазонад. Ҳамаи гиреҳҳои дар узвҳои бадан пайдошударо мекушояд, ғизоро ҳазм мекунад. Инчунин ҳангоми заҳролуд гаштани бадан — хоҳ аз хӯрок бошад ва ё хоҳ ҷонварони заҳрнок бигазанд, ба ҳамааш шифо мебахшад. Дарди рӯдаҳо ва дигар дардҳоеро, ки дар ҷойҳои дигари бадан пайдо шаванд, таскин медиҳад».
Ба андешаи мутахассисон, дар таркиби ин растанӣ витамини С нисбат ба ситрусҳо ду маротиба бештар аст. Ҳамзамон шибит дорои витаминҳои РР, тиамин, рибофлафин ва намакҳои минералӣ мебошад. Равғани аз тухми ин растанӣ омодашуда яке аз элементҳои асосӣ ва ҳамешагӣ барои таҳияи лавозимоти ороишӣ маҳсуб мешавад. Онро ҳамчун маводи хушбӯйкунанда омехта менамоянд.
Нафароне, ки фишори паст доранд ва занони ҳомила, ки гирифтори мушкилот ё ҳолатҳои ғайримуқаррарӣ мебошанд, мебояд ҳангоми истеъмоли шибит аз эҳтиёт кор бигиранд. Истеъмоли барзиёди ин растанӣ метавонад фишорро паст намояд.
Табибон тавсия медиҳанд, ки баргҳои шибитро дар об ҷӯшонида, он обро бинӯшанд, бодҳои тамоми бадан ва дарунро таҳлил медиҳад.
Ҳамчунин бемориҳои балғамии меъдаро дур месозад. Шибитро бо асал бихӯранд, заҳрро аз бадан берун менамояд.
АКС аз манбаъҳои боз
Дар доираи татбиқи Стратегияи миллии Ҷумҳурии Тоҷикистон оид ба паст кардани хавфи офатҳои табиӣ тадбирҳои муҳим андешида шудаанд
ОМОДАГӢ БА ЗИМИСТОН. Кумитаи ҳолатҳои фавқулода шаҳрвандонро даъват менамояд, ки корҳои пешгирикунандаро сари вақт гузаронанд
БАРНОМАИ РУШДИ ФУТБОЛ ДАР ТОҶИКИСТОН. Беш аз 15 ҳазор наврасон ба тамрини футбол фаро гирифта шуданд
НӮШОКИҲОИ ЭНЕРГЕТИКӢ ВА ТАЪСИРИ МАНФИИ ОНҲО БА САЛОМАТИИ ИНСОН. Андешаҳо дар ин маврид
РӮЗИ ТЕАТРИ ТОҶИК. Дар Тоҷикистон беш аз 20 театри халқӣ фаъолият мекунад
Конститутсияи Тоҷикистон меъёрҳои рафтор, ҳуқуқу уҳдадориҳо ва масъулияти шаҳрвандиро муқаррар менамояд
КОНСТИТУТСИЯИ ТОҶИКИСТОН-ПОЯИ УСТУВОРИ ДАВЛАТДОРИИ МИЛЛӢ ВА ЗАМИНАИ РУШДИ МАЪРИФАТИ ҲУҚУҚӢ. Андешаҳои Қобилҷон Хушвахтзода дар ин маврид
Конститутсияи Тоҷикистон барои ҳифзи табиат ва истифодаи оқилонаи сарватҳои табиӣ заминаи ҳуқуқӣ ва бунёдӣ фароҳам овард
Тоҷикистон дар доираи татбиқи Консепсияи рушди соҳаи ангишт ҳаҷми истихроҷи ангиштро ба 15 миллион тонна мерасонад
Исломиддин Раҳмон: «Омӯзиши Конститутсия ба баланд бардоштани масъулияти шаҳрвандӣ ва таҳкими давлатдории миллӣ мусоидат менамояд»
Дилором Абдураҳимзода: «Занон дар таҳкими ҳокимияти судӣ ва таъмини адолати судӣ саҳми арзанда мегузоранд»
