ТАҚВИМИ АМИТ «ХОВАР»: имрӯз 2 март, якшанбе, 61-умин рӯзи соли 2025 аст

2 марти соли 1992 дар ҷаласаи 46-уми Ассамблеяи генералии Созмони Милали Муттаҳид Ҷумҳурии Тоҷикистон ба узвияти  ин созмони бонуфузи ҷаҳонӣ пазируфта шуд.

***

2 марти соли 1992 Қазоқистон, Озарбойҷон, Арманистон, Қирғизистон, Молдова, Туркманистон ва Узбекистон низ  ҳамчун давлати соҳибистиқлол аъзои  Созмони Милали Муттаҳид шуданд.

***

Дар ин рӯзи соли 1993 Шурои байниҳукуматии Иттиҳоди Давлатҳои Мустақил оид ба нафту газ ташкил шуд.

***

2 марти соли 2010 дар Париж дар қароргоҳи ЮНЕСКО маросими ботантанаи ифтитоҳи Соли байналмилалии наздикшавии фарҳангҳо доир гардид.

***

2 марти соли 2011 дар Тоҷикистон Шурои  рушди  тарбияи ҷисмонӣ таъсис дода шуд.

***

2 марти соли 2012 дар шаҳри Душанбе вазъ ва дурнамои ҳамкории Тоҷикистон ва Британияи Кабир баррасӣ гардид.

***

2 марти соли 2013 Тоҷикистон аъзои комилҳуқуқи Созмони умумиҷаҳонии савдо шуд.

***

2 марти соли 2016 аз ҷониби Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ангораи ҷашни байналмилалии  Наврӯз тасдиқ гардид.

***

2 марти соли 2023 Президенти Ҷумҳурии Тоҷикистон Эмомалӣ Раҳмон бо Раиси Ҳукумати Федератсияи Русия Михаил Мишустин мулоқот намуданд.

***

Дар ин рӯзи соли 2024 АМИТ «Ховар» иттилоъ дод, ки ду дастаи доварон аз Тоҷикистон дар бозиҳои марҳилаи интихобии Ҷоми ҷаҳон-2026, ки моҳи март доир мешаванд, ҳакамӣ менамоянд.

2 МАРТ:

 Рӯзи байналмилалии гӯгирд.

***

Дар Фаронса Рӯзи миллии бибиҳо.

***

Рӯзи байналмилалии телевизион ва радиошунавонии кӯдакона.