ТАҚВИМИ АМИТ «ХОВАР»: имрӯз 25 март, сешанбе, 84-умин рӯзи соли 2025 аст

25 марти соли 2014 президенти ФИФА Йозеф Блаттер бо сафари корӣ ба Тоҷикистон омад.

***

25 марти соли 2016 дар ноҳияи Ашти вилояти Суғд Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Боғи ба номи Маҳмудҷон Воҳидов бинои нави Кохи фарҳангро ба истифода доданд.

***

Дар ин рӯзи  соли 2018 Президенти Ҷумҳурии Тоҷикистон муҳтарам Эмомалӣ Раҳмон бо Раиси шаҳри Душанбе муҳтарам Рустами Эмомалӣ дар тантанаҳои бошукуҳи идонаи наврӯзӣ, ки дар «Наврӯзгоҳ»- и пойтахт баргузор гардиданд, иштирок ва суханронӣ намуданд.

***

25 марти соли 2021 Пешвои миллат  муҳтарам Эмомалӣ Раҳмон дар деҳаи Наврӯзи деҳоти Навободи ноҳияи Ҷалолиддини Балхӣ бинои наву муосири Маркази ташхисию табобатии «Исмоил»-ро мавриди истифода қарор доданд.

***

25 марти соли 2022 дар шаҳри Душанбе Чемпионати Осиё оид ба велосипедронӣ дар шоҳроҳ доир гардид.

***

25 марти соли 2023 Президенти Ҷумҳурии Тоҷикистон Эмомалӣ Раҳмон дар маросими пӯшидашавии Конфронси оби СММ-2023 суханронӣ намуданд.

***

25 марти соли 2024 Сайид Умари Маъсум – ҳунарманди волосалиқа ва ҳайкалтароши маъруфи тоҷик, ки дар Олмон кору сукунат дорад, ба Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон яке аз маҳсули ҳунари волои худ – тандиси биринҷии чеҳраи Пешвои миллат муҳтарам Эмомалӣ Раҳмонро шахсан тақдим намуд.

25 МАРТ:

Дар Юнон —  Рӯзи истиқлол

***

Дар Русия – Рӯзи кормандони фарҳанг

ДАР ИН РӮЗ ТАВАЛЛУД ШУДААНД:

Хайрулло Асоев-соли 1956 -муҳандис, собиқ Вазири  нақлиёти Ҷумҳурии Тоҷикистон