Дар Институти илмҳои гуманитарӣ конференсияи илмӣ баргузор шуд
ДУШАНБЕ, 12.04.2025 /АМИТ «Ховар»/. 9 апрел бо ташаббуси Институти илмҳои гуманитарии ба номи академик Баҳодур Искандаров ва Институти биологии Помир ба номи академик Худоёр Юсуфбеков бахшида ба Даҳаи муаррифии илми академии тоҷик конференсияи муштараки илмӣ-амалӣ баргузор шуд. Дар ин хусус АМИТ «Ховар» бо истинод ба Академияи миллии илмҳои Тоҷикистон хабар медиҳад.
Дар конференсия нақши илму дониш дар таҳкими заминаҳои иҷтимоӣ, фарҳангӣ ва иқтисодии ҷумҳурӣ таъкид гардида, зарурати рушду тавсеаи равандҳои илмӣ баён карда шуд.
Мавзуъҳо доир ба тағйирёбии глобалии иқлим ва таъсири он ба фауна ва экологияи Тоҷикистон, эҳёи манбаъҳои обӣ ва экосистемаҳои кӯҳӣ, нақши муҳими маконҳои табиӣ дар таъмини устувории экологӣ ва ғайра мавриди баррасӣ қарор гирифтанд.
Дар анҷоми конференсия ба як гурӯҳ муҳаққиқон ва кормандони фаъоли ҳар ду муассиса ифтихорномаҳо супорида шуданд.
Бояд гуфт, ки ҳадафи асосии чорабинӣ — таҳкими робитаҳои байниинститутӣ, боло бурдани сатҳи ҳамкории байнисоҳавӣ ва пайгирии таҳқиқоти илмии дар заминаи рушди устувор мебошад.
АКС: Академияи миллии илмҳои Тоҷикистон
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
