Дар Донишгоҳи давлатии молия ва иқтисоди Тоҷикистон маҳфили «Шоҳномахонӣ» баргузор шуд
ДУШАНБЕ, 03.05.2025 /АМИТ «Ховар»/. Дар Донишгоҳи давлатии молия ва иқтисоди Тоҷикистон таҳти унвони «Шоҳнома Ватан аст…» маҳфили «Шоҳномахонӣ» баргузор шуд.
Тавре АМИТ «Ховар» бо истинод ба ин донишгоҳ хабар медиҳад, маҳфили адабӣ ба хотири ҷалби донишҷӯён ба адабиёт, шеъру шоирӣ, бедор намудани ҳисси эҷодкорӣ, дарёфти чеҳраҳои нави суханвару сухандон, ғанӣ гардонидани захираи луғавӣ, тарғиби идеяҳои ватандӯстӣ ва таҳкими эҳсоси худшиносию худогоҳии миллӣ доир гардид.
Иброз гардид, ки дар амри оммавигардонии маҳфили «Шоҳномахонӣ» бояд ҳар донишҷӯ ва ҳар фарди ҷомеа саҳм гузорад. Зеро ҳоло «Шоҳномахонӣ» дигар танҳо сабқат барои ба даст овардани ҷоизаҳо нест, балки ҳадафи он дар арсаи зиндагонии воқеӣ ба зуҳур расонидани корномаҳои бузурги ватандӯстона ва башардӯстона мебошад.
Маҳфилҳои шоҳномахонӣ дар шароити кунунӣ бояд насли наврасро ба муқовимат бо ифротгароӣ ва таҳдидҳои берунӣ омода намоянд, зеро «Шоҳнома»-и безаволи Ҳаким Фирдавсӣ асарест, ки аз идеяҳои ватандӯстона, тарғиби ормонҳои ахлоқии инсонӣ саршор мебошад. Ин афкору андешаҳо паёми наҷоти инсоният аз ҳар амали номатлуб мебошанд.
Дар маҳфил донишҷӯён аз достонҳои «Шоҳнома» порчаҳои назмӣ қироат намуданд.
АКС: Донишгоҳи давлатии молия ва иқтисоди Тоҷикистон
ИСТИФОДАИ САМАРАНОКИ ЗАМИН. Сокини Ҷамоати деҳоти Деҳқонободи ноҳияи Дӯстӣ аз як замин се навъи маҳсулот ҷамъоварӣ мекунад
Дар Тоҷикистон мусобиқаи «МегаФон Life дар сабки футбол» анҷом ёфт
Имрӯз дар шаҳри Душанбе ҳаво то 39 дараҷа гарм мешавад
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
