Дар Коллеҷи тиббии шаҳри Хуҷанд бахшида ба Рӯзи ҷавонони Тоҷикистон ҳамоиши илмӣ-сиёсӣ баргузор шуд
ДУШАНБЕ, 18.05.2025 /АМИТ «Ховар»/. Бо дастгирии доимии Президенти Тоҷикистон муҳтарам Эмомалӣ Раҳмон дар давраи соҳибистиқлолӣ нисбат ба ҷавонон таваҷҷуҳ ва ғамхории махсус зоҳир гардида, барои ташаккули ҳамаҷонибаи онҳо ҳамаи шароити зарурӣ фароҳам оварда шуд. Зеро ояндаи Тоҷикистон дар дасти ҷавонон буда, нақш ва мавқеи онҳо имрӯз дар тамоми ҷабҳаҳои давлатдорӣ эҳсос карда мешавад. Ин матлабро директори Коллеҷи тиббии шаҳри Хуҷанд ба номи Юсуфхон Исҳоқӣ Амирҷон Нурзода зимни ҳамоиши илмӣ-сиёсӣ таҳти унвони «Ҷавонон-пайравони Пешвои миллат» бахшида ба Рӯзи ҷавонони Тоҷикистон (23 май) баён намуд. Дар ин хусус ба АМИТ «Ховар» аз ин коллеҷ хабар доданд.
Иброз гардид, ки имрӯз ҷавонони ҷумҳурӣ бо руҳбаландию ғайрати тоза дар тамоми самтҳои хоҷагии халқ софдилона фаъолият бурда, дар ҳамаи чорабиниҳову маъракаҳои гуногуни сиёсиву иқтисодӣ, фарҳангиву иҷтимоӣ ва маърифативу варзишӣ саҳми назаррас ва нақши бориз мегузоранд.
Барои дастгирӣ ва ҳавасмандгардонии ҷавонони соҳибистеъдод стипендияҳои президентӣ, квотаи президентӣ, Стипендияи байналмилалии президентии «Дурахшандагон», грантҳои Ҳукумати Тоҷикистон дар самти тарбияи ватанпарастии ҷавонон, Ҷоизаи ба номи Исмоили Сомонӣ барои олимони ҷавон, таъмини оилаҳои ҷавон бо манзил ва қитъаи замин муқаррар карда шудааст.
Сол ба сол ҷалби ҷавонони лаёқатманд ба идоракунии давлатӣ ва пешбарии онҳо ба вазифаҳои роҳбарикунанда меафзояд, ки ҳамаи ин иқдом далели ғамхориҳои пайвастаи давлат ва Ҳукумати мамлакат арзёбӣ мегарданд.
Ҷавонон бояд дар рушди ҷомеа фаъолона саҳм гузоранд. Ҷавонон ояндаи миллат буда, инкишоф ва дастгирии онҳо яке аз вазифаҳои асосии ҳар давлат мебошад.
Дар ҳамош ба як зумра ҷавонони фаъол ва ғолибони олимпиадаи тахассусӣ Сипоснома ва туҳфаҳои хотиравӣ тақдим гардиданд.
АКС: Коллеҷи тиббии шаҳри Хуҷанд ба номи Юсуфхон Исҳоқӣ
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
