Дар минтақаи Кӯлоб 15 тонна намаки ғайристандартӣ ошкор карда шуд
ДУШАНБЕ, 22.05.2025. /АМИТ «Ховар»/. Аз ҷониби мутахассисони Раёсати стандартизатсия, метрология, сертификатсия ва нозироти савдои минтақаи Кӯлоб дар семоҳаи аввали соли равон дар ду ҳолат 30 тонна намаки ғайристандартӣ ошкор карда шуд. 15 тоннаи ин маҳсулот ба Ҷамъияти дорои масъулияти маҳдуди «Шуҳрат –ЛТД» ва 15 тоннаи дигар ба Ҷамъияти дорои масъулияти маҳдуди «Сорбон-А» тааллуқ дорад.
Тавре сардори Раёсати стандартизатсия, метрология, сертификатсия ва нозироти савдои минтақаи Кӯлоб Ҷурахон Сайдализода ба хабарнигори минтақавии АМИТ «Ховар» иттилоъ дод, дар муддати се моҳи соли равон 17,8 килограмм маҳсулоти хӯрокворӣ ва 183 литр нӯшокии ғайримашруботӣ аз муомилот гирифта шуданд.
«Дар ин давра барои амалӣ намудани тартиби коркарди маҳсулоти ғайристандартӣ ва нобудсозии онҳо, ки ба талаботи регламентҳои техникӣ мутобиқ нест, дар Раёсати стандартизатсия, метрология, сертификатсия ва нозироти савдои минтақаи Кӯлоб комиссия таъсис дода шуд. Он ба ҳимояи ҳуқуқҳои истеъмолкунандагон ва ҳимояи бозори дохилӣ мусоидат менамояд»,-иброз дошт Ҷурахон Сайдализода.
Дар семоҳаи аввали соли 2025 зимни гузаронидани корҳои фаҳмондадиҳӣ 344 килограмм молу маҳсулоти пастсифат аз муомилот гирифта ва бо иштироки аъзои комиссия нобуд карда шуд.
Мутахассисони Раёсати стандартизатсия, метрология, сертификатсия ва нозироти савдои минтақаи Кӯлоб дар семоҳаи аввали соли равон 9 соҳибкорро ба маблағи 675 сомонӣ ҷарима намуданд.
АКС: АМИТ «Ховар»
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
