Дар ноҳияи Дарвоз Фестивали «Саводнокии молиявӣ» баргузор гардид
ДУШАНБЕ, 03.05.2025 /АМИТ «Ховар»/. Дар ноҳияи Дарвоз даври якуми Фестивали «Саводнокии молиявӣ» баргузор гардид. Дар ин хусус ба АМИТ «Ховар» аз Мақомоти иҷроияи ҳокимияти давлатиии Вилояти Мухтори Кӯҳистони Бадахшон иттилоъ доданд.
Ҳадафи асосии фестивал баланд бардоштани сатҳи саводнокии молиявӣ ва тавсеаи ҳисоббаробаркуниҳои ғайринақдӣ ба шумор меравад.
Фестивали «Саводнокии молиявӣ» бо ибтикори Бонки миллии Тоҷикистон гузаронида шуда, дар он кормандони ташкилоти қарзии молиявӣ ва суғуртавӣ иштирок намуданд. Ҳамзамон дар он масъулини бонку ташкилоти қарзӣ ба мизоҷон оид ба хизматрасонии бонкӣ, маҳсулоти қарзӣ, намуди пасандозҳо, кортҳои пардохтӣ, ҳамёнҳои мобилӣ ҳам ба таври назариявӣ ва ҳам амалӣ маълумот пешниҳод намуданд.
Ҳисоббаробаркунии ғайринақдӣ намуди пардохте мебошад, ки бе истифодаи пули нақд бо роҳи истифодаи чек, кортҳои пардохтии бонкӣ ва дигар воситаҳои электронии пардохтӣ, супоришномаҳои пардохтӣ тавассути пулҳои электронӣ ва ҳамёнҳои электронӣ анҷом дода мешаванд. Густариши низоми ҳисоббаробаркунии ғайринақдӣ яке аз омилҳои рушди босуботи иқтисодиёти миллӣ ва низоми молиявии мамлакат маҳсуб шуда, дар таъмини шаффофияти амалиёти молиявӣ, ғанӣ гардонидани буҷети давлат, пешгирии омилҳои коррупсионӣ ва коҳиши таъсири омилҳои инсонӣ нақши бениҳоят муҳим дорад.
АКС: АМИТ «Ховар»
Кӯдакону наврасони ноҳияи Шаҳринав ба истироҳат фаро гирифта мешаванд
Дар Хатлон ташаббуси вилоятии «Саҳми ман дар ободии Ватан» доир карда мешавад
Беш аз 5 ҳазор ҳолати вайронкунии қонунгузории замин дар маҳал бартараф карда шуд
Имрӯз ҳаво дар шаҳри Душанбе то 38 дараҷа гарм мешавад
Дар Бадахшон ҳаҷми маҷмӯи маҳсулоти минтақавӣ 873 миллион сомониро ташкил дод
Кишоварзони Кӯлоб аввалин маротиба зери плёнка чигит кишт намуданд
Имрӯз дар ноҳияҳои алоҳидаи Тоҷикистон чангу ғубор боқӣ мемонад
РУШДИ САЙЁҲӢ. Таърих, фарҳанг, табиат ва меҳмоннавозии мардум вилояти Суғд сайёҳонро бештар ба худ ҷалб намудааст
Дар истироҳатгоҳи омӯзишии «Истиқлол» таътили тобистонаи хонандагон хотирмон мегузарад
Дар ноҳияи Деваштич ҳамоиши гирандагони Стипендияи президентӣ баргузор гардид
Дар Тоҷикистон дар беш аз 27 ҳазор гектар ҷуворимакка барои дон кишт гардидааст
Имрӯз ҳаво дар водиҳои Тоҷикистон то 40 дараҷа гарм мешавад
