Дурнамои таҳкими равобит байни Тоҷикистон ва Уммон баррасӣ гардид

ДУШАНБЕ, 01.05.2025 /АМИТ «Ховар»/. 30 апрел Сафири Фавқулода ва Мухтори Ҷумҳурии Тоҷикистон дар Салтанати Уммон Зубайдулло Зубайдзода дар шаҳри Масқат бо муовини якуми Вазири корҳои хориҷии Салтанати Уммон Шайх Халифа ал-Ҳорисӣ мулоқот намуд.

Дар ин хусус ба АМИТ «Ховар» аз Сафорати Тоҷикистон дар Кувайт хабар доданд. Зимни мулоқот масъалаҳои марбут ба ҳолати кунунӣ ва дурнамои таҳкими равобит байни Тоҷикистон ва Уммон дар соҳаҳои сиёсӣ, иқтисодӣ, тиҷоратӣ, сармоягузорӣ, энергетика, сайёҳӣ, саноат, алоқаи ҳавоӣ, таҳкими пояи шартномавию ҳуқуқӣ, инчунин ҳамкории ду давлат дар чаҳорчӯби созмонҳои байналмилаливу минтақавӣ ва дигар мавзуъҳои мавриди эҳтимоми муштарак баррасӣ шуданд.

Ҷонибҳо инчунин атрофи омодагӣ ба танзими чорабиниҳои муштараки дарпешистода, аз ҷумла баргузории сафарҳои сатҳи баланду олӣ табодули афкор намуданд.

АКС: Сафорати Тоҷикистон дар Кувайт