«КӮДАКОН-ҒУНЧАҲОИ БОҒИ ИСТИҚЛОЛ». Дар Осорхонаи миллӣ барномаи фарҳангӣ-фароғатӣ гузаронида шуд
ДУШАНБЕ, 29.05.2025 /АМИТ «Ховар»/. Бахшида ба Рӯзи байналмилалии кӯдакон (1 июн) дар Осорхонаи миллии Тоҷикистон таҳти унвони «Кӯдакон-ғунчаҳои боғи истиқлол» бо иштироки 60 тарбиятгирандаи «Мактаб-интернати №1 барои кӯдакони ятим ва бепарастор»-и шаҳри Душанбе барномаи фарҳангӣ ташкил карда шуд. Дар ин хусус АМИТ «Ховар» бо истинод ба Осорхонаи миллии Тоҷикистон иттилоъ медиҳад.
Директори Осорхонаи миллӣ Зафаршо Иброҳимзода иброз намуд, ки «воқеан, кӯдакон неъмати бебаҳо, сармояи инсонӣ, ояндаи имрӯзу фардои оила ва миллат буда, ҳифзу ҳимоя ва ғамхорӣ нисбат ба онҳо вазифаи ҷонии ҳар фард, ҷомеа ва давлат мебошад. Иқдоми пайвастаи Ҳукумати Ҷумҳурии Тоҷикистон, махсусан Пешвои миллат муҳтарам Эмомалӣ Раҳмон ба таъмини ҳаёти осоиштаи кӯдакон ва риояи ҳуқуқу озодиҳои онҳо, дар руҳияи меҳру муҳаббат ба Ватан ва ҳамчун насли солиму созанда тарбия ёфтани кӯдакон равона гардидаанд».
Дар ҳамоиш ба хотири хушҳол намудани кӯдакону наврасон ҳунармандону санъаткорони Муассисаи давлатии «Филармонияи давлатии бачагонаи Тоҷикистон» ва маҳфили кӯдакон бо барномаҳои ҷолибу рангин хотири дӯстрӯяконро шод намуданд.
Аз ҷониби кормандони Осорхонаи миллӣ маҳфилҳои фарҳангии «Чеҳранигор» ва нақшу нигори гулҳо дар дастон – «Ҳино» ташкил карда шуд.
Ҳамзамон аз ҷониби кормандони илмии Осорхонаи миллӣ барои тарбиятгирандагони ин муассиса сайрҳои осорхонавӣ ташкил карда шуда, дар қисмати ҷамъбасти чорабинӣ ба кӯдакону наврасон туҳфаҳои хотиравӣ тақдим карда шуд.
АКС: Осорхонаи миллии Тоҷикистон
Шоири халқии Тоҷикистон Ҳадиса Қурбонова аз олам даргузашт
«САМАРАИ ИСТИҚЛОЛ». Таҳти чунин унвон Иттифоқи журналистони Тоҷикистон озмун эълон менамояд
«ЯК МЕРОС, ДУ САРЗАМИН». Намоиши маҷозии муштараки Тоҷикистон ва Эрон баргузор мегардад
Дар Душанбе рӯзҳои фарҳанги ВМКБ, шаҳри Хоруғ, ноҳияҳои Ишкошим, Мурғоб, Роштқалъа ва Файзобод баргузор мегарданд
Раиси шаҳри Шероз ёдгории таърихию фарҳангии «Қалъаи Ҳисор»-ро тамошо намуд
Дар Душанбе Рӯзи фарҳанги ноҳияи Рӯшон баргузор гардид
Дар Душанбе 49 номгӯй адабиёти тозанашри кӯдакона рӯнамоӣ гардид
Дар пойтахти Тоҷикистон Рӯзи фарҳанги ноҳияи Ванҷ доир шуд
Рӯзи фарҳанги ноҳияи Шуғнон бо шукуҳу шаҳомати хос баргузор шуд
Оид ба бостоншиносӣ ва нақши он дар ҳифзи мероси таърихию фарҳангӣ ҳамоиш доир шуд
15 АВГУСТ–РӮЗИ БАЙНАЛМИЛАЛИИ БОСТОНШИНОСӢ. Зиёда аз 70 фоизи мероси таърихию фарҳангии Тоҷикистонро ёдгориҳои бостонӣ ташкил медиҳанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
