Кишоварзони ноҳияи Спитамен дар 6490 гектар пунбадона кишт менамоянд
ДУШАНБЕ, 19.05.2025. /АМИТ «Ховар»/. Имсол дар ноҳияи Спитамен тибқи нақша дар 6490 гектар пунбадона кишт карда мешавад. Дар ин хусус ба АМИТ «Ховар» аз хадамоти матбуоти Раиси вилояти Суғд иттилоъ доданд.
Ноҳияи Спитамен минтақаи пахтакори вилояти Суғд ба ҳисоб меравад. Кишоварзон нақша доранд, ки имсол бо истифода аз имконоти мавҷуда, тухмиҳои ба иқлими маҳаллӣ мутобиқ ва татбиқи босамари корҳои агротехникӣ ҳосили фаровону босифат ба даст оранд.
Дар Ҷамъияти дорои масъулияти маҳдуди «Спитамен текстайлз» дар 2200 гектар пунбадона кишт карда шуд. Масъулин бо мақсади баланд бардоштани ҳосилнокӣ аз тухмиҳои хушсифату ба маҳал мувофиқ истифода бурда, корҳои агротехникиро сари вақт иҷро менамоянд.
Ҳамчунин имсол тибқи нақша дар ноҳияи Спитамен истеҳсоли 40 тонна пилла дар назар аст. Кирмакпарварӣ дар таъмини корхонаҳои саноатӣ бо ашёи хоми ватанӣ ва истеҳсоли маҳсулоти содиротӣ нақши муҳим мебозад.
Аз ин рӯ барои иҷрои пурраи нақша тадбирҳои зарурӣ андешида шуда, ҷиҳати ташвиқи кирмакпарварон иқдоми ҳавасмандкунанда низ амалӣ карда мешаванд.
АКС: Хадамоти матбуоти Раиси вилояти Суғд
Имрӯз дар ноҳияҳои доманакӯҳи Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
