Намояндаи Тоҷикистон дар ҷаласаи XX Форуми марказҳои таҳлилии СҲШ иштирок намуд
ДУШАНБЕ, 21.05.2025. /АМИТ «Ховар»/. Имрӯз дар шаҳри Деҳлии Нави Ҳиндустон ҷаласаи XX Форуми марказҳои таҳлилии Созмони ҳамкории Шанхай таҳти унвони «Амнияти СҲШ: роҳ ба сӯи табдил додани минтақа ба ҳолати «Ҷаҳон — як оила» оғоз шуд, ки то 22 май идома меёбад. Дар он директори Маркази тадқиқоти стратегии назди Президенти Ҷумҳурии Тоҷикистон ва намояндаи Сафорати Ҷумҳурии Тоҷикистон Хайриддин Усмонзода иштирок ва сухан намуд.
Тавре ба АМИТ «Ховар» аз Маркази тадқиқоти стратегӣ хабар доданд, форум аз ҷониби Шурои Ҳиндустон оид ба корҳои байналмилалӣ (ICWA) баргузор карда мешавад.
Дар форум намояндагони ниҳодҳои таҳлилии кишварҳои ҳавзаи Созмони ҳамкории Шанхай доираи васеи масоили марбут ба рушди Созмон, амният ва ҳамкории иқтисодию башардӯстонаро мавриди баррасӣ қарор медиҳанд.
Хайриддин Усмонзода дар бахши ифтитоҳии форум ва ҷаласаи якуми он таҳти унвони «Тавсеаи нақши Созмони ҳамкории Шанхай, пешбурди биниши дастҷамъонаи амният ва минтақаи устувор» дар мавзуи «Нақши СҲШ дар тавсеаи уфуқҳои ҳамкории кишварҳо дар заминаи тағйироти глобалӣ» сухан гуфт.
Дар ҷаласа таъкид гардид, ки кишварҳои аъзои Созмони ҳамкории Шанхай бо таҷрибаи бузурги тамаддунӣ дар рушди робитаҳо ва муносибатҳои байни халқҳои гуногун ҳамеша ба шукуфоии иқтисодии якдигар эҳтиром зоҳир карда, гуногунии фарҳангиро дастгирӣ менамуданд. Бо такя ба чунин таҷрибаи ҳосилшудаи таърихӣ онҳо имрӯз на танҳо принсипҳои рушди фарогир, балки арзишҳои умумиинсониро низ ҳимоя ва эҳтиром менамоянд. Чунин руҳия ба густариши уфуқҳои минбаъдаи ҳамкорӣ ва ҳамгироии давлатҳои мо дар арсаҳои гуногун мусоидат менамояд.
АКС: Маркази тадқиқоти стратегии назди Президенти Ҷумҳурии Тоҷикистон
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
