Озмуни экологии «Моҳи ҳифзи пиряхҳо 2025» ҷамъбаст гардид
ДУШАНБЕ, 05.05.2025. /АМИТ «Ховар»/. 3 май бо ташаббуси Кумитаи ҳифзи муҳити зисти назди Ҳукумати Ҷумҳурии Тоҷикистон дар шаҳри Ҳисор озмуни экологии «Моҳи ҳифзи пиряхҳо 2025» ҷамъбаст гардида, ғолибон ва иштирокчиёни фаъол қадрдонӣ карда шуданд. Дар ин хусус ба АМИТ «Ховар» аз ин кумита иттилоъ доданд.
Озмуни экологӣ ба Конфронси байналмилалии сатҳи баланд оид ба ҳифзи пиряхҳо, ки 29-31 май дар шаҳри Душанбе доир мегардад, бахшида шуд.
Ташкилкунандагони озмуни экологӣ ҳадафи онро ҷалби ҷомеаи шаҳрвандӣ ба ҳалли масъалаҳои экологӣ, хусусан тағйирёбии иқлим, гармшавии глобалӣ, хушксолӣ, обшавии пиряхҳо ва ҳифзи манбаъҳои об унвон намуданд.
Бояд гуфт, ки Президенти Тоҷикистон муҳтарам Эмомалӣ Раҳмон зимни суханронӣ дар мулоқоти якуми Панели сатҳи баланд оид ба масъалаҳои обу иқлим 3 марти соли 2021 пешниҳод намуданд, ки соли 2025 Соли байналмилалии ҳифзи пиряхҳо ва 21 март Рӯзи ҷаҳонии ҳифзи пиряхҳо эълон карда шаванд. Ин пешниҳод 14 декабри соли 2022 дар Маҷмаи Умумии Созмони Милали Муттаҳид зимни иҷлосияи 77-ум бо ҷонибдории 153 мамлакати аъзои Созмони Милали Муттаҳид бо қатъномаи махсус пазируфта шуд.
Мувофиқи ин қатънома, 29-31 майи соли 2025 пойтахти Ҷумҳурии Тоҷикистон — шаҳри Душанбе мизбони Конфронси байналмилалии ҳифзи пиряхҳои Созмони Милали Муттаҳид мегардад. Ин ҳамоиш имконияти хуб барои муаррифии иқтидори илмӣ ва имконияти бунёдии Тоҷикистон дар масъалаи ҳифзи пиряхҳо хоҳад буд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
