Вазири корҳои хориҷии Тоҷикистон бо Дабири кулли Созмони ҷаҳонии обуҳавошиносӣ мулоқот намуд

ДУШАНБЕ, 28.05.2025. /АМИТ «Ховар»/. 27 май вохӯрии Вазири корҳои хориҷии Ҷумҳурии Тоҷикистон Сироҷиддин Муҳриддин бо Дабири кулли Созмони ҷаҳонии обуҳавошиносӣ Селесте Сауло баргузор гардид, ки зимни мулоқот ҷонибҳо масъалаи тақвияти ҳамкории дуҷонибаро баррасӣ намуданд. Дар ин хусус ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.

Тавре иттилоъ дода шуд, зимни вохӯрӣ ҷонибҳо масъалаҳои тақвияти ҳамкории дуҷониба дар соҳаи мониторинги равандҳои марбут ба тағйирёбии иқлим, инчунин иқдоми муштаракро дар самти мазкур баррасӣ намуданд.

Таваҷҷуҳи хос ба Конфронси байналмилалии сатҳи баланд оид ба ҳифзи пиряхҳо зоҳир гардид. Ҷонибҳо аҳамияти ин чорабиниро дар баланд бардоштани сатҳи огоҳии ҷомеаи ҷаҳонӣ ва дарёфти роҳҳои ҳалли муштарак барои ҳифзи захираҳои пиряхҳои минтақа таъкид намуданд.

АКС: Вазорати корҳои хориҷии Ҷумҳурии Тоҷикистон