Вобаста ба таҳияи омори расмии раванди мутобиқшавӣ ба тағйирёбии иқлим ҳамоиш доир шуд
ДУШАНБЕ, 06.05.2025. /АМИТ «Ховар»/. 5 май дар шаҳри Душанбе ҷаласаи ҳамоҳангсозии байниидоравӣ оид ба таҳияи омори расмӣ дар раванди мутобиқшавӣ ба тағйирёбии иқлим дар Ҷумҳурии Тоҷикистон доир шуд. Дар ин хусус ба АМИТ «Ховар» аз Агентии омори назди Президенти Ҷумҳурии Тоҷикистон иттилоъ доданд.
Дар Ҷумҳурии Тоҷикистон барои мутобиқшавӣ ба тағйирёбии иқлим, коҳиш додани осебпазирӣ ва баланд бардоштани устуворӣ ба муқобили тағйироти иқлим тадбирҳо амалӣ карда мешаванд. Агентии омор барои татбиқи Қарори Ҳукумати Ҷумҳурии Тоҷикистон аз 2 октябри соли 2019 «Дар бораи Стратегияи миллии мутобиқшавӣ ба тағйирёбии иқлим дар Ҷумҳурии Тоҷикистон барои давраи то соли 2030» бобати таҳияи омори расмӣ вобаста ба тағйирёбии иқлим корҳоро пеш мебарад.
Иттилоъ дода шуд, ки Агентии омор ба вазорату идораҳо барои таҳкими ҷамъоварӣ ва коркарди маълумот, баланд бардоштани савияи дониш ва қобилияти зеҳнии кормандон, инчунин таъсиси инфрасохтори устувори технологияҳои иттилоотию коммуникатсионӣ маълумоти оморӣ пешниҳод менамояд.
Дар ҷаласа таҳияи омори расмӣ барои қабули қарор дар бораи тағйирёбии иқлим, банақшагирии ҷамъоварӣ ва паҳнкунии маълумот, муайян намудани нишондиҳандаҳои ченкунии иқтидори миллӣ ва дигар масъалаҳои вобаста ба он баррасӣ шуданд.
АКС: Агентии омори назди Президенти Ҷумҳурии Тоҷикистон
Барои довталабон ва шахсони масъули рушди захираҳои инсонӣ дар низоми бонкии Тоҷикистон оид ба барномаи JISPA ҳамоиш доир шуд
Дар «Тоҷикаэронавигатсия» татбиқи Стратегияи миллии фаъолгардонии нақши занон дар Тоҷикистон баррасӣ гардид
Сафири Тоҷикистон дар Форуми ҳайати фармондеҳони Маркази омӯзишҳои таҳқиқотии Шарқи Наздик ва Осиёи Ҷанубӣ иштирок намуд
Маҳсулоти пешрафтаи рақамӣ (digital)-ро кӣ ва чӣ гуна таҳия менамояд
Имрӯз дар водиҳои Тоҷикистон ҳаво то 33 дараҷа гарм мешавад
Дар Душанбе 176 кило гӯшти бедонаи ба талаботи бехатарӣ ҷавобгӯнабуда мусодира гардид
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
