Дар Душанбе сеюмин Форуми Тоҷикистон ва Чин оид ба таҳсилоти муҳандисӣ-техникӣ доир шуд
ДУШАНБЕ, 24.06.2025 /АМИТ «Ховар»/. Масъалаи таҳкими минбаъдаи ҳамкории Ҷумҳурии Тоҷикистон ва Ҷумҳурии Мардумии Чин дар соҳаи таҳсилоти олӣ, таҳсилоти касбӣ ва технологияҳои амалӣ дар Форуми сеюми Тоҷикистон ва Чин оид ба таҳсилоти муҳандисӣ — техникӣ, ки дар «Маркази таҷрибавӣ ва таълимоти касбии Тоҷикистону Чин — Коргоҳи Лубан»-и назди Донишгоҳи техникии Тоҷикистон ба номи академик Муҳаммад Осимӣ доир шуд, баррасӣ гардид. Дар ин хусус ба АМИТ «Ховар» аз Донишгоҳи техникии Тоҷикистон хабар доданд.
Иштирокчиёни форум вобаста ба татбиқи таҳсилоти дуалӣ, ки дар он таҳсил ва таҷрибаомӯзӣ ҳамзамон ҷараён мегиранд, табодули назар намуданд. Инчунин зарурати такмили дарсҳои озмоишӣ бо истифода аз таҷҳизоти муосир ва усулҳои интерактивӣ оид ба тағйироти рақамӣ таъкид шуд.
Дар доираи форум бо мақсади тақвияти робитаи илм ва истеҳсолот, татбиқи таҳсилоти дуалӣ ва ташкили дарсҳои озмоишӣ дар соҳаи таҳсилоти муҳандисӣ вохӯриҳо ва муҳокимаҳои судманд баргузор гардид.
Ёдовар мешавем, ки бо мақсади тавсеаи ҳамкорӣ соли 2023 Форуми якуми Тоҷикистону Чин оид ба таҳсилоти муҳандисӣ дар шаҳри Душанбе ва форуми дуюм соли 2024 дар шаҳри Тянҷин бо ҷалби коршиносони ду ҷониб баргузор гардид.
АКС: Донишгоҳи техникии Тоҷикистон ба номи академик М.С.Осимӣ
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Имрӯз дар баъзе ноҳияҳои Тоҷикистон туман мефарояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
