Дар ноҳияи Ховалинг дар зиёда аз 600 гектар кишти картошка гузаронида мешавад
ДУШАНБЕ, 10.06.2025. /АМИТ «Ховар»/. Кишоварзони ноҳияи Ховалинг имсол дар 615 гектар картошка кишт менамоянд. Дар ин минтақа кишти картошка то нимаи моҳи июн гузаронида мешавад. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Ховалинг иттилоъ доданд.
Ҳайати кории Вазорати кишоварзӣ дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон баҳри таъмини амнияти озуқавории мамлакат ба ноҳияи Ховалинг сафар карда, бо вазъи риояи қоидаҳои агротехникаи парвариши ниҳолҳо ва рафти кишти картошка шинос шуданд.
Зимни шиносоӣ аъзои гурӯҳи корӣ ба кишоварзони ноҳия оид ба бартараф намудани камбудиҳои ҷойдода дар парвариши ниҳолҳо ва зироат, ҳамчунин доир ба роҳҳои ба даст овардани ҳосили фаровон тавсияҳои муфид доданд.
Дар ноҳияи Ховалинг вобаста ба иқлими минтақа парвариши картошка аз моҳи март оғоз гардида, то 15 июн идома меёбад. Як мушкилоти кишоварзон – ин кам будани заминҳои корами обӣ мебошад.
Дар ноҳияи Ховалинг беш аз 500 гектар замини корами обӣ мавҷуд аст. Аз ин рӯ дар баъзе минтақаҳо картошкаро барвақтар мешинонанд.
Бо мақсади истифодаи самараноки замин, имсол кишоварзон дар байни дарахтон дигар маҳсулоти кишоварзӣ кишт намуданд.
АКС: Мақомоти иҷроияи ҳокимияти давлатии ноҳияи Ховалинг
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
