Дастаи мунтахаби Тоҷикистон аз Чемпионати ҷаҳон оид ба ҷудо-2025 бо се медали таърихӣ баргашт
ДУШАНБЕ, 21.06.2025 /АМИТ «Ховар»/. 21 июн дастаи мунтахаби Тоҷикистон, ки дар Чемпионати ҷаҳон оид ба ҷудо — 2025 таърихсозӣ намуданд, бо 3 медал ба Ватан баргашт. Дар ин хусус ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Варзишгарон ва мураббиёни онҳоро дар Фурудгоҳи байналмилалии Душанбе роҳбарияти Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Мақомоти иҷроияи ҳокимияти давлатии шаҳри Душанбе, ҳайати масъулини мактабҳои варзишии ҷумҳуриявӣ ва федератсияҳои варзишӣ, донишҷӯён ва дӯстдорону мухлисони варзиш гарму самимӣ ва бо суруру шодмонӣ истиқбол гирифтанд.
Тоҷикистон дар Чемпионати ҷаҳон оид ба ҷудо — 2025 бо 3 медали таърихӣ байни 93 давлати иштирокчӣ мақоми ҳафтумро ишғол намуд, ки ин маротибаи аввал дар таърихи ҷудои мамлакат мебошад.
Тоҷикистонро дар ин мусобиқаи ҷаҳонӣ 9 варзишгар — Меҳрзод Суфиев (60 кг) Эмомалӣ Нуралӣ ва Обид Ҷебов (-66 кг), Абубакр Шеров ва Беҳрӯз Хоҷазода (-73 кг), Сомон Маҳмадбеков (-81 кг), Ҷаҳонгир Маҷидов ва Кароматулло Ҳакимов (-100 кг) ва Темур Раҳимов (+100 кг) намояндагӣ карданд.
Аз байни онҳо Эмомалӣ Нуралӣ (дар вазни -66 кг) медали нуқра, Обид Ҷебов (дар вазни -66 кг) медали биринҷӣ ва Темур Раҳимов (дар вазни +100 кг) медали биринҷии Чемпионати ҷаҳон оид ба ҷудо-2025-ро ба даст оварданд.
Бояд гуфт, ки то ин мусобиқа ҷудокорони Тоҷикистон тайи солҳои соҳибистиқлолӣ аз Чемпионати ҷаҳон ҳамагӣ ду медали биринҷӣ доштанд, ки онҳоро Расул Боқиев (2007) ва Сомон Маҳмадбеков (2024) ба даст оварда буданд.
Дар Чемпионати ҷаҳон оид ба ҷудо – 2025 ҷудокорони тоҷик аз худ маҳорати баланди варзишӣ нишон дода, бо ба даст овардани 3 медали қаҳрамонии ҷудо ин шумораро ба 5 адад расониданд, ки беназир аст.
Ёдовар мешавем, ки Чемпионати ҷаҳон оид ба ҷудо -2025 аз 13 то 20 июн дар шаҳри Будапешти давлати Маҷористон баргузор шуд. Дар он 556 варзишгар (294 мард ва 262 зан) аз 93 кишвари 6 қораи олам иштирок намуданд.
АКС: Кумитаи кор бо ҷавонон ва варзиши нахди Ҳукумати Ҷумҳурии Тоҷикистон
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
Варзишгари ҷавони тоҷик дар Чемпионати ҷаҳон оид ба гӯштини юнону румӣ соҳиби медали нуқра гардид
